ہم جی رہے ہیں کوئی بہانہ کیے بغیر
ہم جی رہے ہیں کوئی بہانہ کیے بغیر اس کے بغیر اس کی تمنا کئے بغیر انبار اس کا پردۂ حرمت بنا میاں دیوار تک نہیں گری پردا کیے بغیر یاراں وہ جو ہے میرا مسیحائے جان و دل بے حد عزیز ہے مجھے اچھا کیے بغیر میں بستر خیال پہ لیٹا ہوں اس کے پاس صبح ازل سے کوئی تقاضا کیے بغیر اس کا ہے جو بھی کچھ ہے مرا اور میں مگر وہ مجھ کو چاہئے کوئی سودا کیے بغیر یہ زندگی جو ہے اسے معنیٰ بھی چاہیے وعدہ ہمیں قبول ہے ایفا کیے بغیر اے قاتلوں کے شہر بس اتنی ہی عرض ہے میں ہوں نہ قتل کوئی تماشا کیے بغیر مرشد کے جھوٹ کی تو سزا بے حساب ہے تم چھوڑیو نہ شہر کو صحرا کیے بغیر ان آنگنوں میں کتنا سکون و سرور تھا آرائش نظر تری پروا کیے بغیر یاراں خوشا یہ روز و شب دل کہ اب ہمیں سب کچھ ہے خوش گوار گوارا کیے بغیر گریہ کناں کی فرد میں اپنا نہیں ہے نام ہم گریہ کن ازل کے ہیں گریہ کیے بغیر آخر ہیں کون لوگ جو بخشے ہی جائیں گے تاریخ کے حرام سے توبہ کیے بغیر وہ سنی بچہ کون تھا جس کی جفا نے جونؔ شیعہ بنا دیا ہمیں شیعہ کیے بغیر اب تم کبھی نہ آؤ گے یعنی کبھی کبھی رخصت کرو مجھے کوئی وعدہ کیے بغیر
English rendering
Hum jee rahe hain koi bahana kiye baghair Us ke baghair us ki tamanna kiye baghair Anbaar us ka parda-e-hurmat bana miyaan Deewar tak nahin giri parda kiye baghair Yārāñ woh jo hai mera maseehā-e-jaan-o-dil Be-had azeez hai mujhe achcha kiye baghair Main bistar-e-khayāl pe leTa hoon us ke paas Subah-e-azal se koi taqāza kiye baghair Us ka hai jo bhi kuch hai mera aur main magar Woh mujh ko chahiye koi sauda kiye baghair Yeh zindagi jo hai use ma'ani bhi chahiye Wa'da humein qabool hai eefā kiye baghair Ae qātiloñ ke shehr bas itni hi arz hai Main hoon na qatl koi tamāsha kiye baghair Murshid ke jhoot ki toh saza be-hisāb hai Tum chhoRiyo na shehr ko sehra kiye baghair In aanganoñ mein kitna sukoon o suroor tha Ārāish-e-nazar teri parwa kiye baghair Yārāñ khushā yeh roz-o-shab dil ke ab humein Sab kuch hai khush-gawār gawārā kiye baghair Giriya-kunān ki fard mein apna nahin hai naam Hum girya-kun azal ke hi hain girya kiye baghair Aakhir hain kaun log jo bakhshe hi jaayenge Tareekh ke harām se tauba kiye baghair Woh Sunni bachcha kaun tha jis ki jafa ne Jaun Shi'a bana diya humein Shi'a kiye baghair Ab tum kabhi na aao ge ya'ni kabhi kabhi Rukhsat karo mujhe koi wa'da kiye baghair