کتنے عیش سے رہتے ہوں گے کتنے اتراتے ہوں گے
کتنے عیش سے رہتے ہوں گے کتنے اتراتے ہوں گے جانے کیسے لوگ وہ ہوں گے جو اس کو بھاتے ہوں گے شام ہوئے خوش باش یہاں کے میرے پاس آ جاتے ہیں میرے بجھنے کا نظارہ کرنے آ جاتے ہوں گے وہ جو نہ آنے والا ہے نا اس سے مجھ کو مطلب تھا آنے والوں سے کیا مطلب آتے ہیں آتے ہوں گے اس کی یاد کی باد صبا میں اور تو کیا ہوتا ہوگا یوں ہی میرے بال ہیں بکھرے اور بکھر جاتے ہوں گے یارو کچھ تو ذکر کرو تم اس کی قیامت بانہوں کا وہ جو سمٹتے ہوں گے ان میں وہ تو مر جاتے ہوں گے میرا سانس اکھڑتے ہی سب بین کریں گے روئیں گے یعنی میرے بعد بھی یعنی سانس لیے جاتے ہوں گے
English rendering
Kitne aish se rehte honge kitne itraate honge Jaane kaise log woh honge jo us ko bhāte honge Shām hue khush-bāsh yahaan ke mere paas aa jaate hain Mere bujhne ka nazāra karne aa jaate honge Woh jo na aane wala hai na us se mujh ko matlab tha Aane walon se kya matlab aate hain aate honge Us ki yaad ki baad-e-sabā mein aur toh kya hota hoga Yūn hi mere baal hain bikhre aur bikhar jaate honge Yāro kuch toh zikr karo tum us ki qayāmat bāhoñ ka Woh jo simat'te honge in mein woh toh mar jaate honge Mera saans ukhaRte hi sab bain karein ge royen ge Ya'ni mere baad bhi ya'ni saans liye jaate honge