اعتراف
بات کہنا نہیں آتی مجھے لکھنا نہیں آتا سطر کہنے کا ہنر نظم بنانے کا سلیقہ بات کرنے کا قرینہ مجھے کچھ بھی نہیں آتا کوئی صورت فن عرض ہنر آ جائے مجھے بھی شام کو شام کہوں اور نگاہوں پہ اندھیرے اتر آئیں صبح کو صبح لکھوں اور پس سطر تپاں دھوپ بھرا دن نکل آئے کل بھی تاثیر تہی تھا مرا دامان سخن آج بھی تاثیر تہی ہے میرا دامان دعا سر دربار عطا آج بھی فیضان طلب ہے میرے مولیٰ تیرا بندہ ترے اکرام کے لائق نہیں لیکن میرا بچپن ترے انعام کا شائق ہے ابھی تک کیا کہوں کوئی بھی شے اصل پہ قائم نہیں رہتی بات پیرائے کے صحرا میں نکل جائے تو گھر لوٹ نہ پائے استعارے کی زباں چاٹنے آ جائے مرے عجز کی شوخی مرے جذبوں کی حرارت مرے لفظوں کی بصارت ہر کنایہ مرے تپتے ہوئے جذبات تپاں راکھ کی جھلی کی طرح اوٹ میں لے لے صاف شفاف تپاں راکھ کی چادر ہولے ہولے مرے جذبات کے سر تک سرک آئے میرے مولا مرا فن بھی مری بے جان محبت کی طرح نم سے تہی ہے پھر بھی اے مالک عزت جانے کیوں میرے گل اندام مربی مجھے چھونے پہ رضامند نہیں ہیں جانے کیوں میرے گل اندام کو ڈر ہے راکھ کے ڈھیر میں شاید کوئی جذبہ ابھی زندہ ہو اور اس دست حنا رنگ کی پوریں نہ جھلس دے لفظ بھوبھل کی تہیں ہیں آتش جذب کہیں سرو فلک بوس کا دامن نہ جلا دے میرے مولا مجھے کچھ بھی نہیں آتا بات کرنے کا ہنر شعر سنانے کا سلیقہ میرے وارث مرا سینہ ترا گھر ہے میرے محسن ترا گھر باب کشا ہے کوئی آئے مرا دل باب کشا ہے لفظ بھوبھل کی تہیں ہیں سچ تو یہ ہے مری بھوبھل مری بے جان محبت کی طرح غم سے تہی ہے
English rendering
Baat kehna nahin aati mujhe likhna nahin aata Satr kehne ka hunar nazm banane ka saleeqa Baat karne ka qareena mujhe kuchh bhi nahin aata Koi surat-e-fan arz-e-hunar aa jaye mujhe bhi Shaam ko shaam kahoon aur nigahon pe andhere utar aaen Subh ko subh likhoon aur pas-e-satr-e-tapan dhoop bhara din nikal aaye Kal bhi taseer-e-tahi tha mera daman-e-sukhan aaj bhi taseer-e-tahi hai Mera daman-e-dua sar-e-darbar-e-ata aaj bhi faizan talab hai Mere Maula! tera banda tere ikram ke laiq nahin lekin Mera bachpan tere inam ka shaiq hai abhi tak Kya kahoon koi bhi shai asl pe qaem nahin rehti Baat pairaaye ke sahra mein nikal jaye to ghar laut na paaye Istaare ki zaban chatne aa jaye mere ajz ki shokhi mere jazbon ki hararat mere lafzon ki basarat Har kinaya mere tapte hue jazbat tapan raakh ki jhilli ki tarah oat mein le le Saaf shaffaf tapan raakh ki chadar Haule haule mere jazbat ke sar tak sarak aaye Mere Maula! mera fan bhi meri be-jaan mohabbat ki tarah nam se tahi hai Phir bhi ae Malik-e-izzat Jaane kyun mere gul-andam murabbi mujhe chhune pe razamand nahin hain Jaane kyun mere gul-andam ko dar hai Raakh ke dher mein shayad koi jazba abhi zinda ho aur is dast Hina-rang ki porein na jhulsa de Lafz bhoobhal ki tehain hain Aatish-e-jazb kahin sarv-e-falak-bos ka daman na jala de Mere Maula! mujhe kuchh bhi nahin aata Baat karne ka hunar sher sunane ka saleeqa Mere waris! mera seena tera ghar hai Mere mohsin! mera ghar baab-e-kusha hai Koi aaye mera dil baab-e-kusha hai Lafz bhoobhal ki tehain hain Sach to ye hai meri bhoobhal meri be-jaan mohabbat ki tarah gham se tahi hai