بات سے بات نکلنے کے وسیلے نہ رہے
بات سے بات نکلنے کے وسیلے نہ رہے لب رسیلے نہ رہے نین نشیلے نہ رہے اشک برسے تو دروں خانۂ جاں سیل گیا درد چمکا تو در و بام بھی گیلے نہ رہے پھول سے باس جدا فکر سے احساس جدا فرد سے ٹوٹ گئے فرد قبیلے نہ رہے ٹیس اٹھتی ہے مگر چیخ نہیں ہو پاتی تیرے پھینکے ہوئے پتھر بھی نکیلے نہ رہے موت نے چھین لیا رنگ بھی نم بھی خالدؔ آنکھ بھی سوکھ گئی ہونٹ بھی نیلے نہ رہے
English rendering
Baat se baat nikalne ke waseele na rahe Lab raseele na rahe nain nasheele na rahe Ashk barse to daroon-e-khaana-e-jaan sail gaya Dard chamka to dar-o-baam bhi geele na rahe Phool se baas juda fikr se ehsaas juda Fard se toot gaye fard qabeele na rahe Tees uṭhti hai magar cheekh nahin ho paati Tere phenke hue patthar bhi nakeele na rahe Maut ne chheen liya rang bhi nam bhi Khalid! Aankh bhi sookh gayi honth bhi neele na rahe