اپنا تو نہیں یار میں کُچھ ، یار ہُوں تیرا
اپنا تو نہیں یار میں کُچھ ، یار ہُوں تیرا تُو جس طرف ہووے طرف دار ہُوں تیرا کڑھنے پہ مِرے جی نہ کڑھا ، تیری بَلا سے اپنا تو نہیں غم مجھے ، غمخوار ہُوں تیرا تُو چاہے نہ چاہے، مجھے کُچھ کام نہیں ہے! آزاد ہُوں اِس سے بھی ، گرفتار ہُوں تیرا تو ہووے جہاں مجھ کو بھی ہونا وہاں لازم تو گُل ہے مِری جان تو، میں خار ہُوں تیرا ہے عِشق سے میرے ہی تِرے حُسن کا شُہرہ میں کُچھ نہیں پر گرمیِ بازار ہُوں تیرا میری بھی طرف تو کبھی آجا مِرے یوسف ! بوڑھیا کی طرح میں بھی خریدار ہوں تیرا اے درد ! مجھے کچھ نہیں اب اور تو آزار اُس چشم سے کہدینا کہ ، بیمار ہُوں تیرا
English rendering
Apna to nahin yaar mein kuch, yaar hoon tera Tu jis taraf hove taraf-daar hoon tera Kadhne pe mire ji na kadha, teri bala se Apna to nahin gham mujhe, gham-khwar hoon tera Tu chahe na chahe, mujhe kuch kaam nahin hai! Azad hoon is se bhi, giriftaar hoon tera Tu hove jahan mujh ko bhi hona wahan laazim Tu gul hai meri jaan tu, main khaar hoon tera Hai ishq se mere hi tire husn ka shohra Main kuch nahin par garmi-e-bazaar hoon tera Meri bhi taraf tu kabhi aa ja mere Yusuf! Boodhiya ki tarah main bhi khareedar hoon tera Aye Dard! mujhe kuch nahin ab aur tu azaar Us chashm se keh dena ke, beemaar hoon tera