چمن میں صبح یہ کہتی تھی ہو کر چشم تر شبنم
چمن میں صبح یہ کہتی تھی ہو کر چشم تر شبنم بہار باغ گو یوں ہی رہی لیکن کدھر شبنم عرق کی بوند اس کی زلف سے رخسار پر ٹپکی تعجب کی ہے جاگہ یہ پڑی خورشید پر شبنم ہمیں تو باغ تجھ بن خانۂ ماتم نظر آیا ادھر گل پھاڑتے تھے جیب روتی تھی ادھر شبنم کرے ہے کچھ سے کچھ تاثیر صحبت صاف طبعوں کی ہوئی آتش سے گل کی بیٹھتے رشک شرر شبنم بھلا ٹک صبح ہونے دو اسے بھی دیکھ لیویں گے کسی عاشق کے رونے سے نہیں رکھتی خبر شبنم نہیں اسباب کچھ لازم سبک ساروں کے اٹھنے کو گئی اڑ دیکھتے اپنے بغیر از بال و پر شبنم نہ پایا جو گیا اس باغ سے ہرگز سراغ اس کا نہ پلٹی پھر صبا ایدھر نہ پھر آئی نظر شبنم نہ سمجھا دردؔ ہم نے بھید یاں کی شادی و غم کا سحر خنداں ہے کیوں روتی ہے کس کو یاد کر شبنم
English rendering
Chaman mein subh yeh kehti thi ho kar chashm tar shabnam Bahaar baagh go yun hi rahi lekin kidhar shabnam Araq ki boond us ki zulf se rukhsar par tapki Ta'ajjub ki hai jagah yeh padi khursheed par shabnam Hamein to baagh tujh bin khanah maatam nazar aaya Idhar gul phaadte the jeb roti thi idhar shabnam Kare hai kuch se kuch taseer sohbat saaf tab'on ki Hui aatish se gul ki baithte rashk sharar shabnam Bhala tak subh hone do use bhi dekh levin ge Kisi aashiq ke rone se nahin rakhti khabar shabnam Nahin asbaab kuch laazim sabuk-saron ke uthne ko Gayi ud dekhte apne baghair az baal o par shabnam Na paya jo gaya us baagh se hargiz suraagh us ka Na palti phir saba idhar na phir aayi nazar shabnam Na samjha Dard hum ne bhed yan ki shaadi o gham ka Sahar khandan hai kyun roti hai kis ko yaad kar shabnam