اور اب یہ کہتا ہوں یہ جرم تو روا رکھتا
اور اب یہ کہتا ہوں یہ جرم تو روا رکھتا میں عمر اپنے لیے بھی تو کچھ بچا رکھتا خیال صبحوں کرن ساحلوں کی اوٹ سدا میں موتیوں جڑی بنسی کی لے جگا رکھتا جب آسماں پہ خداؤں کے لفظ ٹکراتے میں اپنی سوچ کی بے حرف لو جلا رکھتا ہوا کے سایوں میں ہجر اور ہجرتوں کے وہ خواب میں اپنے دل میں وہ سب منزلیں سجا رکھتا انہیں حدوں تک ابھرتی یہ لہر جس میں ہوں میں اگر میں سب یہ سمندر بھی وقت کا رکھتا پلٹ پڑا ہوں شعاعوں کے چیتھڑے اوڑھے نشیب زینۂ ایام پر عصا رکھتا یہ کون ہے جو مری زندگی میں آ آ کر ہے مجھ میں کھوئے مرے جی کو ڈھونڈتا رکھتا غموں کے سبز تبسم سے کنج مہکے ہیں سمے کے سم کے ثمر ہیں میں اور کیا رکھتا کسی خیال میں ہوں یا کسی خلا میں ہوں کہاں ہوں کوئی جہاں تو مرا پتا رکھتا جو شکوہ اب ہے یہی ابتدا میں تھا امجدؔ کریم تھا مری کوشش میں انتہا رکھتا
English rendering
Aur ab ye kehta hoon ye jurm to rawa rakhta Main umr apne liye bhi to kuch bacha rakhta Khayal-e-subhon kiran sahilon ki oat sada Main motiyon jadi bansi ki lay jaga rakhta Jab aasmaan pe khudaon ke lafz takrate Main apni soch ki be-harf lau jala rakhta Hawa ke sayon mein hijr aur hijraton ke woh khwab Main apne dil mein woh sab manzilein saja rakhta Inhien hadon tak ubharti ye lehar jis mein hoon main Agar main sab ye samundar bhi waqt ka rakhta Palat pada hoon shuaon ke cheethde odhe Nasheeb-e-zeena-e-ayyam par asa rakhta Ye kaun hai jo meri zindagi mein aa aa kar Hai mujh mein khoye mere ji ko dhundhta rakhta Ghamon ke sabz tabassum se kunj mehkhe hain Samey ke sam ke samar hain main aur kya rakhta Kisi khayal mein hoon ya kisi khala mein hoon Kahan hoon koi jahan to mera pata rakhta Jo shikwa ab hai yehi ibtida mein tha Amjad! Kareem tha meri koshish mein inteha rakhta