گلی کا چراغ
تری جلن ہے مرے سوزِ دل کے کتنی قریب خدا رکھے تجھے روشن! چراغِ کوئے حبیب تو جانتا ہے مری زندگی کا افسانہ تو جانتا ہے میں کس شمع کا ہوں پروانہ لرز لرز گئی اکثر تری یہ نازک لو۔۔۔ ٹھٹک ٹھٹک کے چلا جب کوئی حزیں رہرو وہ تیرے سانولے سایوں میں اس کا طوفِ نیاز وہ دور ۔۔۔ موڑ پہ قدموں کی آخری آواز صدا خفیف سی دستک سے ملتی جلتی ہوئی اور اس کے بعد کوئی چٹخنی سی کھلتی ہوئی ہَوا کے نرم جھکولوں میں سرسراہٹ سی گلی کے کونے پہ باتیں سی، کھلکھلاہٹ سی کہ اتنے میں نظر آیا طویل سایا کوئی پھر اک صدا کہ ’’وہ دیکھو ادھر سے آیا کوئی‘‘ کواڑ بند، گلی بےصدا، فضا خاموش اور ایک درد کا مارا مسافرِ مدہوش پلٹ چلا انھی رستوں پہ ڈگمگاتا ہوا دکھے دکھے ہوئے لہجوں میں گنگناتا ہوا تو جانتا ہے کسی کی گلی کے پاک چراغ چراغِ طور سے بھی بڑھ کے تابناک چراغ کہ تو نہ ہو تو وہ آوارۂ دیارِ حبیب پہنچ سکے نہ کبھی ’’ان‘‘ کے آستاں کے قریب جو تو نہ ہو تو یہ راز اک فسانہ بن جائے نگاہِ اہلِ جہاں کا نشانہ بن جائے
English rendering
Teri jalan hai mere soz-e-dil ke kitni qareeb Khuda rakhe tujhe roshan! chiragh-e-kuye habib Tu jaanta hai meri zindagi ka afsaana Tu jaanta hai main kis shama ka hoon parwana Laraz laraz gayi aksar teri yeh naazuk lau... Thithak thithak ke chala jab koi hazeen rahro Woh tere sanwle sayon mein is ka touf-e-niyaaz Woh door ... mod pe qadmon ki aakhiri aawaaz Sada khafeef si dastak se milti julti hui Aur us ke baad koi chatakhni si khulti hui Hawa ke narm jhokoolon mein sarsarahat si Gali ke koone pe baatein si, khilkhilahaat si Ke itne mein nazar aaya taweel saaya koi Phir ek sada ke ''woh dekho idhar se aaya koi'' Kuwad band, gali be-sada, fiza khamosh Aur ek dard ka maara musafir-e-madhosh Palat chala inhi raston pe dagmagata hua Dukhe dukhe hue lehjon mein gungunata hua Tu jaanta hai kisi ki gali ke paak chiragh Chiragh-e-Toor se bhi badh ke taabnaak chiragh Ke tu na ho to woh awarah-e-dayar-e-habib Pahunch sake na kabhi ''un'' ke aastaan ke qareeb Jo tu na ho to yeh raaz ek afsaana ban jaaye Nigah-e-ehl-e-jahan ka nishaana ban jaaye