ہر سال ان صبحوں
ہر سال ان صبحوں کے سفر میں اک دن ایسا بھی آتا ہے جب پل بھر کو ذرا سرک جاتے ہیں میری کھڑکی کے آگے سے گھومتے گھومتے سات کروڑ کرے اور سورج کے پیلے پھولوں والی پھلواڑی سے اک پتی اڑ کر میرے میز پر آ گرتی ہے ان جنباں جہتوں میں ساکن تب اتنے میں سات کروڑ کرے پھر پاتالوں سے ابھر کر اور کھڑکی کے سامنے آ کر دھوپ کی اس چوکور سی ٹکڑی کو گہنا دیتے ہیں آنے والے برس تک اس کمرے تک واپس آنے میں مجھ کو اک دن اس کو ایک برس لگتا ہے آج بھی اک ایسا ہی دن ہے ابھی ابھی اک آڑی ترچھی روشن سیڑھی صد ہا زاویوں کی پل بھر کو جھک آئی تھی اس کھڑکی تک ایک لرزتی ہوئی موجودگی اس سیڑھی سے ابھی ابھی اس کمرے میں اتری تھی برس برس ہونے کے پرتو کی یہ ایک پرت اس میز پر دم بھر یوں ڈھلتی ہے جانے باہر اس ہونی کے ہست میں کیا کیا کچھ ہے آج یہ اپنے پاؤں تو پاتالوں میں گڑے ہوئے ہیں
English rendering
Har saal in subhon ke safar mein ik din aisa bhi aata hai Jab pal bhar ko zara sarak jaate hain meri khidki ke aage se ghoomte ghoomte Saat karod kare aur suraj ke peele phoolon wali phulwari se ik patti ud kar Mere mez par aa girti hai In junban jihaton mein saakin Tab itne mein saat karod kare phir pataalon se ubhar kar aur khidki ke saamne aa kar Dhoop ki us chaukor si tukdi ko gehna dete hain Aane wale baras tak Us kamre tak waapas aane mein mujh ko ik din us ko ek baras lagta hai Aaj bhi ik aisa hi din hai Abhi abhi ik aadi tirchhi roshan seedhi sad ha zaawiyon ki pal bhar ko jhuk aayi thi Us khidki tak Ek larazti hui maujoodgi us seedhi se abhi abhi us kamre mein utri thi Baras baras hone ke partau ki yeh ek parat us mez par dam bhar yun dhalti hai Jaane baahar is honi ke hast mein kya kya kuch hai Aaj yeh apne paon to pataalon mein gade hue hain