میونخ
آج کرسمس ہے شہر میونخ میں آج کرسمس ہے رودبارِ عسار کے پُل پر جس جگہ برف کی سلوں کی سڑک فان کاچے کی سمت مڑتی ہے قافلے قہقہوں کے اترے ہیں آج اس قریۂ شرا ب کے لوگ — جن کے رخ پر ہزیمتوں کا عرق جن کے دل میں جراحتوں کی خراش ایک عزمِ نشاط جو کے ساتھ امڈ آئے ہیں مست راہوں پر بانہیں بانہوں میں، ہونٹ ہونٹوں پر! برف گرتی ہے، ساز بجتے ہیں کوئے میریں کے اک گھروندے میں ایک بوڑھی، اداس ماں کے لیے پھول اک طاقچے پہ ہنستے ہیں گرم انگیٹھی کے عکسِ لرزاں سے آگ اک آئینے میں جلتی ہے ایک دستک ہے! کون آیا ہے؟ زرد کمرے کے گوشے گوشے میں جورِ ماضی کا سایۂ مصلوب آخری سانس لینے لگتا ہے ماں کے چہرے کی ہر عمیق شکن ایک حیران مسکراہٹ کے دلنشیں زاویوں میں ڈھلتی ہے ’’میری شالاط، اے مری شالاط اے میں قرباں، تم آ گئیں، بیٹی!‘‘ اور وہ دختِ ارضِ الماں جب سر سے گٹھڑی اتار کر جھک کر اپنی امی کے پاؤں پڑتی ہے اس کی پلکوں پہ ملک ملک کی گرد ایک آنسو میں ڈوب جاتی ہے ایک مفتوح قوم کی بیٹی پارۂ ناں کے واسطے، تنہا روئے عالم کی خاک چھان آئی دس برس کے طویل عرصے کے بعد آج وہ اپنے ساتھ کیا لائی؟ روح میں، دیس دیس کے موسم! بزمِ دوراں سے کیا ملا اس کو؟ سیپ کی چوڑیاں ملایا سے کینچلی چین کے اک اژدر کی ٹھیکری اِک مہنجودارو کی ایک نازک بیاض پر، مرا نام کون سمجھے گا اس پہیلی کو؟ فاصلوں کی کمند سے آزاد میرا دل ہے کہ شہرِ میونخ ہے چار سو، جس طرف کوئی دیکھے برف گرتی ہے، ساز بجتے ہیں
English rendering
Aaj Christmas hai Shehr Munich mein aaj Christmas hai Rudbar-e-asar ke pul par Jis jagah barf ki sillon ki sadak Faan Kache ki simt mudti hai Qaafle qahqahon ke utre hain Aaj is qarya-e-sharab ke log — Jin ke rukh par hazimaton ka araq Jin ke dil mein jarahaton ki kharash Ek azm-e-nishaat jo ke saath Umad aaye hain mast raahon par Banhein banhon mein, hont honton par! Barf girti hai, saaz bajte hain Kuye Mareen ke ek gharaunde mein Ek boodhi, udaas maa ke liye Phool ek taaqche pe hanste hain Garam angeethi ke aks-e-larzan se Aag ek aaine mein jalti hai Ek dastak hai! Kon aaya hai? Zard kamre ke goshe goshe mein Jaur-e-maazi ka saaya-e-masloob Aakhiri saans lene lagta hai Maa ke chehre ki har ameeq shikan Ek hairan muskurahat ke Dilnasheen zaaviyon mein dhalti hai ''Meri Shaalaat, ae meri Shaalaat Ae main qurbaan, tum aa gayin, beti!'' Aur woh dukht-e-arz-e-almaañ jab Sar se gathdi utaar kar jhuk kar Apni Ammi ke paaon padti hai Is ki palkon pe mulk mulk ki gard Ek aansu mein doob jaati hai Ek maftooh qaum ki beti Paara-e-naan ke wastey, tanha Ruye alam ki khaak chhaan aayi Das baras ke taweel arse ke baad Aaj woh apne saath kya laayi? Rooh mein, des des ke mausam! Bazm-e-dauraan se kya mila us ko? Seep ki choodiyan Malaya se Kinchli Cheen ke ek azhdar ki Theekri ik Mohenjo-Daro ki Ek naazuk biyaaz par, mera naam Kon samjhega is paheli ko? Faaslon ki kamand se aazad Mera dil hai ke shehr-e-Munich hai Char soo, jis taraf koi dekhe Barf girti hai, saaz bajte hain