عورت
تو پریم مندر کی پاک دیوی تو حسن کی مملکت کی رانی حیات انساں کی قسمتوں پر تری نگاہوں کی حکمرانی جہان الفت تری قلمرو حریم دل تیری راجدھانی بہار فطرت ترے لب لعل گوں کی دوشیزہ مسکراہٹ نظام کونین تیری آنکھوں کے سرخ ڈوروں کی تھرتھراہٹ فروغ صد کائنات تیری جبین سیمیں کی ضو فشانی بھڑکتے سینوں میں بس رہی ہیں قرار بن کر تری ادائیں ترستی روحوں کو جام عشرت پلا رہی ہیں تری وفائیں رگ جہاں میں تھرک رہی ہے شراب بن کر تری جوانی دماغ پروردگار میں جو ازل کے دن سے مچل رہا تھا زبان تخلیق دہر سے بھی نہ جس کا اظہار ہو سکا تھا نمود تیری اسی مقدس حسیں تخیل کی ترجمانی ہے وادی نیل پر ترا ابر زلف سایہ کناں ابھی تک ہیں جام ایراں کی مے میں تیرے لبوں کی شیرینیاں ابھی تک فسانہ گو ہے تری ابھی تک حدیث یوناں کی خوں چکانی ہے تیری الفت کے راگ پر موج رود گنگا کو وجد اب تک تری محبت کی آگ میں جل رہا ہے صحرائے نجد اب تک جمال زہرہ ترے ملائک فریب جلووں کی اک نشانی تری نگاہوں کے سحر سے گل فشاں ہے شعر و ادب کی دنیا ترے تبسم کے کیف سے ہے یہ غم کی دنیا طرب کی دنیا ترے لبوں کی مٹھاس سے شکریں ہے زہراب زندگانی ترا تبسم کلی کلی میں ترا ترنم چمن چمن میں رموز ہستی کے پیچ و خم تیرے گیسوؤں کی شکن شکن میں کتاب تاریخ زندگی کے ورق ورق پر تری کہانی جو تو نہ ہوتی تو یوں درخشندہ شمع بزم جہاں نہ ہوتی وجود ارض و سما نہ ہوتا نمود کون و مکاں نہ ہوتی بشر کی محدودیت کی خاطر ترستی عالم کی بیکرانی
English rendering
Tu prem mandir ki paak devi, tu husn ki mamlekat ki raani Hayaat-e-insaan ki qismaton par teri nigahon ki hukmarani Jahaan-e-ulfat teri qalamrau, hareem-e-dil teri rajdhani Bahaar-e-fitrat tere lab-e-lal-goon ki dosheeza muskurahat Nizam-e-konain teri aankhon ke surkh doron ki thartharahat Farogh-e-sad-kainaat teri jabeen-e-seemeen ki zau-fishani Bhadakte seenon mein bas rahi hain qarar ban kar teri adaein Tarasti roohon ko jaam-e-ishrat pila rahi hain teri wafaein Rag-e-jahan mein thirak rahi hai sharab ban kar teri jawani Dimaagh-e-parwardigar mein jo azal ke din se machal raha tha Zaban-e-takhleeq-e-dehr se bhi na jiska izhaar ho saka tha Namood teri usi muqaddas haseen takhayyul ki tarjumani Hai wadi-e-neel par tera abr-e-zulf saya-kunan abhi tak Hain jaam-e-iraan ki mai mein tere labon ki sheeriniyan abhi tak Fasana-go hai teri abhi tak hadees-e-yunan ki khoon-chakani Hai teri ulfat ke raag par mauj-e-rood-e-ganga ko wajd ab tak Teri muhabbat ki aag mein jal raha hai sahra-e-najd ab tak Jamal-e-zahra tere malaik-faraib jalwon ki ik nishani Teri nigahon ke seher se gul-fishaan hai sher-o-adab ki duniya Tere tabassum ke kaif se hai yeh gham ki duniya, tarab ki duniya Tere labon ki mithas se shakreen hai zehrab-e-zindagani Tera tabassum kali kali mein, tera tarannum chaman chaman mein Ramoz-e-hasti ke pech-o-kham tere gesuon ki shikan shikan mein Kitab-e-tareekh-e-zindagi ke waraq waraq par teri kahani Jo tu na hoti toh yun darakhshanda shama-e-bazm-e-jahan na hoti Wujood-e-arz-o-sama na hota, namood-e-kaun-o-makaan na hoti Bashar ki mahdoodiyat ki khatir tarasti aalam ki be-karani