آٹوگراف
کھلاڑیوں کے خود نوشت دستخط کے واسطے کتابچے لیے ہوئے کھڑی ہیں منتظر حسین لڑکیاں ڈھلکتے آنچلوں سے بے خبر حسین لڑکیاں مہیب پھاٹکوں کے ڈولتے کواڑ چیخ اٹھے ابل پڑے الجھتے بازوؤں چٹختی پسلیوں کے پر ہراس قافلے گرے بڑھے مڑے بھنور ہجوم کے کھڑی ہیں یہ بھی راستے پہ اک طرف بیاض آرزو بکف نظر نظر میں نارسا پرستشوں کی داستاں لرز رہا ہے دم بہ دم کمان ابرواں کا خم کوئی جب ایک ناز بے نیاز سے کتابچوں پہ کھنچتا چلا گیا حروف کج تراش کی لکیر سی تو تھم گئیں لبوں پہ مسکراہٹیں شریر سی کسی عظیم شخصیت کی تمکنت حنائی انگلیوں میں کانپتے ورق پہ جھک گئی تو زرنگار پلوؤں سے جھانکتی کلائیوں کی تیز نبض رک گئی وہ باؤلر ایک مہ وشوں کے جمگھٹوں میں گھر گیا وہ صفحۂ بیاض پر بصد غرور کلک گوہریں پھری حسین کھلکھلاہٹوں کے درمیاں وکٹ گری میں اجنبی میں بے نشاں میں پا بہ گل نہ رفعت مقام ہے نہ شہرت دوام ہے یہ لوح دل یہ لوح دم نہ اس پہ کوئی نقش ہے نہ اس پہ کوئی نام ہے
English rendering
Khilāṛiyoñ ke ḳhud navisht dasḳhat ke wāste Kitābche liye hue khaṛī haiñ muntazir haseen laṛkiyāñ ḍhalakte āñchaloñ se be-ḳhabar haseen laṛkiyāñ Maheeb phāṭakoñ ke ḍolte kawāṛ cheekh uṭhe Ubal paṛe ulajhte bāzu'oñ chaṭaḳhtī pasliyoñ ke pur harās qāfile Gire baṛhe muṛe bhañwar hujūm ke khaṛī haiñ yeh bhī rāste pe ik taraf Bayāz-e-ārzū ba-kaf Nazar nazar mein nārāsa parastishoñ kī dāstāñ Laraz rahā hai dam ba dam Kamān-e-abrū'oñ kā ḳham Koī jab ek nāz be-niyāz se Kitābchoñ pe khinchta chalā gayā Hurūf kaj tarāsh kī lakeer sī To tham ga'īñ laboñ pe muskurāhaṭeiñ shareer sī Kisī azeem shaḳhsiyyat kī tamkanat Hinā'ī uñgliyoñ mein kāñpte waraq pe jhuk ga'ī To zar-nigār palū'oñ se jhānktī kalā'iyoñ kī tez nabz ruk ga'ī Woh bowler ek mah-woshoñ ke jamghaṭoñ mein ghar gayā Woh safha-e-bayāz par ba-sad g̠hurūr kalk-e-gauharīñ phirī Haseen khilkhilāhaṭoñ ke darmiyāñ wicket girī Maiñ ajnabī maiñ be-nishāñ Maiñ pā ba-gul Na rif'at-e-maqām hai na shohrat-e-dawām hai Yeh lauḥ-e-dil yeh lauḥ-e-dam Na is pe koī naqsh hai na is pe koī naam hai