بس سٹینڈ پر
خدایا اب کے یہ کیسی بہار آئی خدا سے کیا گلہ بھائی خدا تو خیر کس نے اس کا عکس نقش پا دیکھا نہ دیکھا تو بھی دیکھا اور دیکھا بھی تو کیا دیکھا مگر توبہ مری توبہ یہ انساں بھی تو آخر اک تماشا ہے یہ جس نے پچھلی ٹانگوں پر کھڑا ہونا بڑے جتنوں سے سیکھا ہے ابھی کل تک جب اس کے ابروؤں تک موئے پیچاں تھے ابھی کل تک جب اس کے ہونٹ محروم زنخداں تھے ردائے صد زماں اوڑھے لرزتا کانپتا بیٹھا ضمیر سنگ سے بس ایک چنگاری کا طالب تھا مگر اب تو یہ اونچی ممٹیوں والے جلو خانوں میں بستہ ہے ہمارے ہی لبوں سے مسکراہٹ چھین کر اب ہم پہ ہنستا ہے خدا اس کا خدائی اس کی ہر شے اس کی ہم کیا ہیں چمکتی موٹروں سے اڑنے والی دھول کا ناچیز ذرہ ہیں ہماری ہی طرح جو پائمال سطوت میری و شاہی میں لکھوکھا آب دیدہ پا پیادہ دل زدہ واماندہ راہی ہیں جنہیں نظروں سے گم ہوتے ہوئے رستوں کی گم پیما لکیروں میں دکھائی دے رہی ہیں آنے والی منزلوں کی دھندلی تصویریں ضرور اک روز بدلے گا نظام قسمت آدم بسے گی اک نئی دنیا سجے گا اک نیا عالم شبستاں میں نئی شمعیں گلستاں میں نیا موسم وہ رت اے ہم نفس جانے کب آئے گی وہ فصل دیر رس جانے کب آئے گی یہ نو نمبر کی بس جانے کب آئے گی
English rendering
Khudaya ab ke yeh kaisi bahar aayi Khuda se kya gila bhai Khuda toh khair kis ne iska aks-e-naqsh-e-pa dekha Na dekha toh bhi dekha aur dekha bhi toh kya dekha Magar tauba meri tauba yeh insaan bhi toh aakhir ik tamasha hai Yeh jisne pichhli taangon par khada hona bade jatnon se seekha hai Abhi kal tak jab uske abruon tak moye-e-peechaan the Abhi kal tak jab uske hont mehroom-e-zanakdaan the Radaa-e-sad zamaan odhe larazta kaanpta baitha Zameer-e-sang se bas ek chingari ka talib tha Magar ab toh yeh oonchi mumtiyon waale jalwa khanon mein basta hai Hamare hi labon se muskurahat chheen kar ab ham pe hansta hai Khuda uska, Khudai uski, har shai uski, hum kya hain Chamakti motoron se udne waali dhool ka nacheez zarra hain Hamari hi tarah jo paayemaal-e-satwat-e-meeri o shahi mein Lakhokha aab-dida, pa-piyada, dil-zada, waamanda raahi hain Jinhein nazron se gum hote hue raston ki gum-paima lakeeron mein Dikhayi de rahi hain aane waali manzilon ki dhundli tasveerein Zaroor ek roz badlega nizam-e-qismat-e-adam Basegi ik nayi duniya sajega ik naya aalam Shabistan mein nayi shamaein, gulistan mein naya mausam Woh rut aye humnasf, jaane kab aayegi Woh fasl-e-dair-ras, jaane kab aayegi Yeh nau number ki bus, jaane kab aayegi