چہرہ اداس اداس تھا میلا لباس تھا
چہرہ اداس اداس تھا میلا لباس تھا کیا دن تھے جب خیال تمنا لباس تھا عریاں زمانہ گیر شررگوں جبلتیں کچھ تھا تو ایک برگ دل ان کا لباس تھا اس موڑ پر ابھی جسے دیکھا ہے کون تھا سنبھلی ہوئی نگاہ تھی سادہ لباس تھا یادوں کے دھندلے دیس کھلی چاندنی میں رات تیرا سکوت کس کی صدا کا لباس تھا ایسے بھی لوگ ہیں جنہیں پرکھا تو ان کی روح بے پیرہن تھی جسم سراپا لباس تھا صدیوں کے گھاٹ پر بھرے میلوں کی بھیڑ میں اے درد شادماں ترا کیا کیا لباس تھا دیکھا تو دل کے سامنے سایوں کے جشن میں ہر عکس آرزو کا انوکھا لباس تھا امجدؔ قبائے شہ تھی کہ چولا فقیر کا ہر بھیس میں ضمیر کا پردا لباس تھا
English rendering
Chehra udaas udaas tha maila libaas tha Kya din the jab khayal-e-tamanna libaas tha Uryan zamana-geer sharar-goon jibilatein Kuch tha to ek barg-e-dil un ka libaas tha Is mod par abhi jise dekha hai kaun tha Sambhalii hui nigah thi saada libaas tha Yaadon ke dhundhle des khuli chandni mein raat Tera sukoot kis ki sada ka libaas tha Aise bhi log hain jinhein parkha to un ki rooh Be-pirahan thi jism sarapa libaas tha Sadiyon ke ghaat par bhare mailon ki bheed mein Ae dard-e-shadman tera kya kya libaas tha Dekha to dil ke samne sayon ke jashn mein Har aks-e-aarzoo ka anokha libaas tha Amjad! Qaba-e-sheh thi ke chola faqir ka Har bhes mein zamir ka parda libaas tha