دستک
کس نے دروازہ کھٹکھٹایا ہے جا کے دیکھوں تو کون آیا ہے کون آیا ہے میرے دوارے پر رات آئی کہاں بچارے پر میرے چھپر سے ٹیک کر کاندھا کون استادہ ہے تھکا ماندہ میری کٹیا میں آؤ سستا لو یہ مرا ساغر شکستہ لو میری چھاگل سے گھونٹ پانی پیو اک نئے عزم کی جوانی پیو ٹمٹماتے دیے کی جھلمل میں جوت سلگا لو اک نئی دل میں یہ مرے آنسوؤں کی شبنم لو پاؤں کے آبلوں کی مرہم لو یہ مجھے افتخار دو بیٹھو سر سے گٹھڑی اتار دو بیٹھو میرے زانو پر اپنا سر رکھ کر طاق پر کاہش سفر رکھ کر نیند کی انجمن میں کھو جاؤ منزلوں کے سپن میں کھو جاؤ خواب وادی و کہسار کے خواب دشت و دریا و آبشار کے خواب خواب اندھیری طویل راہوں کے کنج صحرا کی خیمہ گاہوں کے جہاں اک شمع ابھی فروزاں ہے جہاں اک دل تپاں ہے سوزاں ہے تم لپٹ جاؤ ان خیالوں سے اور میں کھیلوں تمہارے بالوں سے صبح جب نور کا فسوں برسے سونی پگڈنڈیوں پہ خوں برسے باگ تھامے حسیں ارادوں کی تم خبر لو پھر اپنے جادوں کی جب تلک زیست کا سفینہ بہے اجنبی اجنبی کو یاد رہے مجھ کو یہ اپنی یاد دے جاؤ آؤ بھی کیوں جھجھکتے ہو آؤ تم کہاں ہو کہاں جواب تو دو او مرے میہماں جواب تو دو تم نے دروازہ کھٹکھٹایا تھا کس کی دستک تھی کون آیا تھا نیم شب قافلے ستاروں کے تیز ہرکارے ابر پاروں کے کس نے نیندوں کو میری ٹوکا تھا کوئی جھونکا تھا کوئی دھوکا تھا
English rendering
Kis ne darwaza khatkhataya hai Ja ke dekhun toh kaun aaya hai Kaun aaya hai mere dware par Raat aayi kahan bechare par Mere chhappar se tek kar kandha Kaun istada hai thaka maanda Meri kutiya mein aao sasta lo Yeh mera saaghar-e-shikasta lo Meri chhaghal se ghoont paani piyo Ek naye azm ki jawani piyo Timtimate diye ki jhilmil mein Jot sulga lo ek nayi dil mein Yeh mere aansuon ki shabnam lo Paon ke aablon ki marham lo Yeh mujhe iftekhaar do, baitho Sar se gathri utar do, baitho Mere zaanu par apna sar rakh kar Taaq par kaahish-e-safar rakh kar Neend ki anjuman mein kho jao Manzilon ke sapnon mein kho jao Khwab wadi-o-kohsar ke khwab Dasht-o-darya-o-aabshar ke khwab Khwab andheri taweel rahon ke Kunj-e-sehra ki khaima-gahon ke Jahan ek shama abhi farozan hai Jahan ek dil tapān hai sozān hai Tum lipat jao un khayalon se Aur main khelun tumhare baalon se Subh jab noor ka fasoon barse Soni pagdandiyon pe khoon barse Baag thame haseen iradon ki Tum khabar lo phir apne jaadon ki Jab talak zeest ka safeena bahe Ajnabi ajnabi ko yaad rahe Mujhko yeh apni yaad de jao Aao bhi kyun jhijkte ho aao Tum kahan ho kahan jawab toh do O mere mehmaan jawab toh do Tum ne darwaza khatkhataya tha Kis ki dastak thi kaun aaya tha Neem shab qaafle sitaron ke Tez harkare abr paaron ke Kis ne neendon ko meri toka tha Koi jhonka tha koi dhoka tha