ایک شبیہ
کچھ دنوں سے قریب دل ہے وہ دن جب اچانک اسی جگہ اک شکل میری آنکھوں میں مسکرائی تھی ایک پل کے لیے تو ایک وہ شکل جانے کیا کچھ تھی جھوٹ بھی سچ بھی شاید اک بھول شاید اک پہچان کچھ دنوں سے تو جان بوجھ کے اب یہ سمجھنے لگا ہوں میں ہی تو ہوں جس کی خاطر یہ عکس ابھرا ہے کچھ دنوں سے تو اب میں دانستہ اس گماں کا فریب کھاتا ہوں روز اک شکل اس دوراہے پر اب مرا انتظار کرتی ہے ایک دیوار سے لگی ہر صبح ٹکٹکی باندھے نیم رخ یکسو اب مرا انتظار کرتی ہے میں گزرتا ہوں مجھ کو دیکھتی ہے میں نہیں دیکھتا وہ دیکھتی ہے اس کے چہرے کی ساخت ساعت دید زرد ہونٹوں کی پتریاں پیتل سرخ آنکھوں کی ٹکڑیاں قرمز روغنی دھوپ میں دھنستے ہوئے پاؤں منتظر منتظر اداس اداس اک یہی چہرہ ایک پل کے لیے جانے کیا کچھ تھا لیکن اب تو مجھے اپنی یہ بھول بھولتی ہی نہیں ایک دن یہ شبیہ دیکھی تھی کچھ دنوں سے قریب دل ہے وہ دن کچھ دنوں سے تو بیتتے ہوئے دن اسی اک دن میں ڈھلتے جاتے ہیں دن گزرتے ہیں اب تو یوں جیسے عمر اس دن کا ایک حصہ ہے عمر گزری یہ دن نہیں گزرا جس طرف جاؤں جس طرف دیکھوں مجھ سے اوجھل بھی مرے سامنے بھی شکل اک ٹین کے ورق پہ رہی شکل اک دل کے چوکھٹے میں رہی
English rendering
Kuch dinon se qareeb-e-dil hai woh din Jab achaanak isi jagah ik shakal Meri aankhon mein muskurayi thi Ek pal ke liye to ek woh shakal Jaane kya kuch thi jhoot bhi sach bhi Shaayad ik bhool shaayad ik pehchaan Kuch dinon se to jaan boojh ke ab Yeh samajhne laga hoon main hi to hoon Jis ki khaatir yeh aks ubhra hai Kuch dinon se to ab main daanista Is gumaan ka fareb khaata hoon Roz ik shakal us doraahe par Ab mera intezaar karti hai Ek deewar se lagi har subah Tuk-tuki baandhe neem rukh yaksu Ab mera intezaar karti hai Main guzarta hoon mujh ko dekhti hai Main nahin dekhta woh dekhti hai Us ke chehre ki saakht sa'at-e-deed Zard honton ki patriyan peetal Surkh aankhon ki tukdiyan qirmiz Raughani dhoop mein dhanste hue paon Muntazir muntazir udaas udaas Ik yehi chehra ek pal ke liye Jaane kya kuch tha lekin ab to mujhe Apni yeh bhool bhoolti hi nahin Ek din yeh shabeeh dekhi thi Kuch dinon se qareeb-e-dil hai woh din Kuch dinon se to beet'te hue din Isi ik din mein dhalte jaate hain Din guzarte hain ab to yun jaise Umar us din ka ik hissa hai Umar guzri yeh din nahin guzra Jis taraf jaaun jis taraf dekhun Mujh se ojhal bhi mere saamne bhi Shakal ik teen ke waraq pe rahi Shakal ik dil ke chaukhat'te mein rahi