جاروب کش
آسمانوں کے تلے سبز و خنک گوشوں میں کوئی ہوگا جسے اک ساعت راحت مل جائے یہ گھڑی تیرے مقدر میں نہیں ہے نہ سہی آسمانوں کے تلے تلخ و سیہ راہوں پر اتنے غم بکھرے پڑے ہیں کہ اگر تو چن لے کوئی اک غم تری قسمت کو بدل سکتا ہے آسمانوں کے تلے تلخ و سیہ راہوں پر تو اگر دیکھے تو خوشیوں کی گریزاں سرحد سوز یک غم سے شکیب غم دیگر تک ہے زندگی قہر سہی زہر سہی کچھ بھی سہی آسمانوں کے تلے تلخ و سیہ لمحوں میں جرعۂ سم کے لیے عفت لب لازم ہے اور تو ہے کہ ترے جسم کا سایہ بھی نجس تو اگر چاہے تو ان تلخ و سیہ راہوں پر جا بجا اتنی تڑپتی ہوئی دنیاؤں میں اتنے غم بکھرے پڑے ہیں کہ جنہیں تیری حیات قوت یک شب کے تقدس میں سمو سکتی ہے کاش تو حیلۂ جاروب کے پر نوچ سکے کاش تو سوچ سکے سوچ سکے
English rendering
Aasmanon ke tale sabz-o-khunak goshon mein Koi hoga jise ek sa'at-e-rahat mil jaye Yeh ghadi tere muqaddar mein nahin hai na sahi Aasmanon ke tale talkh-o-siyah raahon par Itne gham bikhre pade hain ke agar tu chun le Koi ek gham teri qismat ko badal sakta hai Aasmanon ke tale talkh-o-siyah raahon par Tu agar dekhe toh khushiyon ki gurezan sarhad Soz-e-yak gham se shakeb-e-gham-e-deegar tak hai Zindagi qahr sahi zehr sahi kuch bhi sahi Aasmanon ke tale talkh-o-siyah lamhon mein Jur'a-e-sam ke liye iffat-e-lab laazim hai Aur tu hai ke tere jism ka saya bhi najis Tu agar chahe toh un talkh-o-siyah raahon par Ja baja itni tadapti hui duniy-aon mein Itne gham bikhre pade hain ke jinhein teri hayaat Quwwat-e-yak shab ke taqaddus mein samoo sakti hai Kash tu heela-e-jaaroob ke par noch sake Kash tu soch sake soch sake