جو ہو سکے تو مرے دل اب اک وہ قصہ بھی
جو ہو سکے تو مرے دل اب اک وہ قصہ بھی ذرا سنا کہ ہے کچھ ذکر جس میں تیرا بھی کبھی سفر ہی سفر میں جو عمر رفتہ کی سمت پلٹ کے دیکھا تو اڑتی تھی گرد فردا بھی بڑے سلیقے سے دنیا نے میرے دل کو دیے وہ گھاؤ جن میں تھا سچائیوں کا چرکا بھی کسی کی روح سے تھا ربط اور اپنے حصے میں تھی وہ بے کلی جو ہے موج زماں کا حصہ بھی یہ آنکھیں ہنستی وفائیں یہ پلکیں جھکتے خلوص کچھ اس سے بڑھ کے کسی نے کسی کو سمجھا بھی یہ رسم حاصل دنیا ہے اک یہ رسم سلوک ہزار اس میں سہی نفرتوں کا ایما بھی دلوں کی آنچ سے تھا برف کی سلوں پہ کبھی سیاہ سانسوں میں لتھڑا ہوا پسینہ بھی مجھے ڈھکی چھپی ان بوجھی الجھنوں سے ملا جچی تلی ہوئی اک سانس کا بھروسا بھی کبھی کبھی انہی الھڑ ہواؤں میں امجدؔ سنا ہے دور کے اک دیس کا سندیسا بھی
English rendering
Jo ho sake to mere dil ab ek woh qissa bhi Zara suna ke hai kuch zikr jis mein tera bhi Kabhi safar hi safar mein jo umar-e-rafta ki simt Palat ke dekha to udti thi gard-e-farda bhi Bade saleeqe se dunya ne mere dil ko diye Woh ghao jin mein tha sachchayiyon ka charka bhi Kisi ki rooh se tha rabt aur apne hisse mein thi Woh be-kali jo hai mauj-e-zamaan ka hissa bhi Yeh aankhein hansti wafa'ein yeh palkein jhukte khuloos Kuchh is se barh ke kisi ne kisi ko samjha bhi Yeh rasm-e-hasil-e-dunya hai ek yeh rasm-e-sulook Hazaar is mein sahi nafraton ka eima bhi Dilon ki aanch se tha barf ki sillon pe kabhi Siyah saanson mein lithda hua paseena bhi Mujhe dhaki chhupi un boojhi uljhanon se mila Jachi tali hui ek saans ka bharosa bhi Kabhi kabhi inhin ulhar hawaon mein Amjad! Suna hai door ke ek des ka sandesa bhi