نژاد نو
برہنہ سر ہیں برہنہ تن ہیں برہنہ پا ہیں شریر روحیں ضمیر ہستی کی آرزوئیں چٹکتی کلیاں کہ جن سے بوڑھی اداس گلیاں مہک رہی ہیں غریب بچے کہ جو شعاع سحر گہی ہیں ہماری قبروں پہ گرتے اشکوں کا سلسلہ ہیں وہ منزلیں جن کی جھلکیوں کو ہماری راہیں ترس رہی ہیں انہی کے قدموں میں بس رہی ہیں حسین خوابوں کی دھندلی دنیائیں جو سرابوں کا روپ دھارے ہمارے احساس پر شرارے انڈیلتی ہیں انہیں کی آنکھوں میں کھیلتی ہیں انہی کے گم سم اداس چہروں پر جھلملاتے ہوئے تبسم میں ڈھل گئے ہیں ہمارے آنسو ہماری آہیں طویل تاریکیوں میں کھو جائیں گے جب اک دن ہمارے سائے اس اپنی دنیا کی لاش اٹھائے تو سیل رواں کی کوئی موج حیات ساماں فروغ فردا کا رخ پہ ڈالے مہین پردا اچھل کے شاید سمیٹ لے زندگی کی سرحد کے اس کنارے پہ گھومتے عالموں کے دھارے یہ سب جا ہے بجا ہے لیکن یہ توتلی نو خرام روحیں کہ جن کی ہر سانس انگبیں اگر انہی کونپلوں کی قسمت میں ناز بالیدگی نہیں ہے تو بہتی ندیوں میں آنے والی ہزار صدیوں کا یہ تلاطم سکوت پیہم کا یہ ترنم یہ جھونکے جھونکے میں کھلتے گھونگھٹ نئی رتوں کے تھکی خلاؤں میں لاکھ ان دیکھی کہکشاؤں کی کاوش رم ہزار نا آفریدہ عالم تمام باطل نہ ان کا مقصد نہ ان کا حاصل اگر انہی کونپلوں کی قسمت میں ناز بالیدگی نہیں ہے
English rendering
Barahna sar hain, barahna tan hain, barahna pa hain Shareer roohein Zameer-e-hasti ki aarzooein Chatakti kaliyan Ke jin se boodhi udas galiyan Mehak rahi hain Ghareeb bachche ke jo sho'aa-e-seher-gahi hain Hamari qabron pe girte ashkon ka silsila hain Woh manzilein jin ki jhalakiyon ko hamari raahein Taras rahi hain Unhi ke qadmon mein bas rahi hain Haseen khwabon Ki dhundli duniyayein jo sarabon Ka roop dhaare Hamare ehsaas par sharare Undelti hain Unhi ki aankhon mein khelti hain Unhi ke gumsum Udaas chehron par jhilmilate hue tabassum Mein dhal gaye hain hamare aansu, hamari aahein Taweel tareekiyon mein kho jayenge jab ik din Hamare saaye Is apni duniya ki laash uthaye Toh seil-e-rawan Ki koi mauj-e-hayaat-samaan Farogh-e-farda Ka rukh pe daale maheen parda Uchhal ke shayad Sameit le zindagi ki sarhad Ke us kinare Pe ghoomte aalmon ke dhaare Yeh sab jaa hai, bajaa hai, lekin Yeh tootli nau-khiraam roohein ke jin ki har saans angbeen Agar unhi konpalon ki qismat mein naaz-e-baalidagi nahin hai Toh behti nadiyon Mein aane waali hazaar sadiyon Ka yeh talatum Sukoot-e-paiham ka yeh tarannum Yeh jhonke jhonke Mein khulte ghoonghat nayi ruton ke Thaki khalaon Mein lakh undekhi kehgashaon Ki kaawish-e-ram Hazaar na-aafrida aalam Tamaam baatil Na unka maqsad na unka hasil Agar unhi konpalon ki qismat mein naaz-e-baalidagi nahin hai