پہاڑوں کے بیٹے
مرے دیس کی ان زمینوں کے بیٹے جہاں صرف بے برگ پتھر ہیں صدیوں سے تنہا جہاں صرف بے مہر موسم ہیں اور ایک دردوں کا سیلاب ہے عمر پیما پہاڑوں کے بیٹے چنبیلی کی نکھری ہوئی پنکھڑیاں سنگ خارا کے ریزے سجل دودھیا نرم جسم اور کڑے کھردرے سانولے دل شعاعوں ہواؤں کے زخمی چٹانوں سے گر کر خود اپنے ہی قدموں کی مٹی میں اپنا وطن ڈھونڈتے ہیں وطن ڈھیر اک ان منجھے برتنوں کا جسے زندگی کے پسینوں میں ڈوبی ہوئی محنتیں در بہ در ڈھونڈھتی ہیں وطن وہ مسافر اندھیرا جو اونچے پہاڑوں سے گرتی ہوئی ندیوں کے کناروں پہ شاداب شہروں میں رک کر کسی آہنی چھت سے اٹھتا دھواں بن گیا ہے ندی بھی زر افشاں دھواں بھی زر افشاں مگر پانیوں اور پسینوں کے انمول دھارے میں جس درد کی موج ہے عمر پیما ضمیروں کے قاتل اگر اس کو پرکھیں تو سینوں میں کالی چٹانیں پگھل جائیں!
English rendering
Mere des ki un zameenon ke bete jahan sirf be-barg patthar hain sadiyon se tanha Jahan sirf be-mehr mausam hain aur ek dardon ka sailab hai umr-paima Paharon ke bete Chambeli ki nikhri hui pankhadiyan sang-e-khara ke reze Sajal doodhiya narm jism aur kade khurde sanwle dil Shuaon hawaon ke zakhmi Chitanon se gir kar khud apne hi qadmon ki mitti mein apna watan dhoondhte hain Watan dher ek un manjhe bartanon ka Jise zindagi ke paseenon mein doobi hui mehnatain dar ba dar dhoondhti hain Watan woh musafir andhera Jo unche paharon se girti hui nadiyon ke kinaron pe shadab shahron mein ruk kar Kisi aahani chhat se uthta dhuan ban gaya hai Nadi bhi zar afshan dhuan bhi zar afshan Magar paniyon aur paseenon ke anmol dhaare mein jis dard ki mauj hai umr-paima Zameeron ke qatil agar is ko parkhein To seenon mein kali chatanen pighal jaayen!