مجید امجد

English rendering

Rawish rawish pe hain nikhat-fishaan gulaab ke phool Haseen gulaab ke phool, arghawaan gulaab ke phool Jahan girya-e-shabnam se kis ghuroor ke saath Guzar rahe hain tabassum kunaan gulaab ke phool Ye mera daaman-e-sad-chaak, ye rida-e-bahar Yahan sharab ke chheente, wahan gulaab ke phool Khayal-e-yaar tere silsile, nashvon ki riten Jamal-e-yaar teri jhalakiyan, gulaab ke phool Meri nigah mein daur-e-zaman ki har karwat Lahu ki lahar, dilon ka dhuaan, gulaab ke phool Sulagte jaate hain chup chap, hanste jaate hain Misaal-e-chehra-e-paighambaraan gulaab ke phool Ye kya tilism hai, ye kis ki yasmeen banhen Chhidak gayi hain jahan dar jahan gulaab ke phool Kati hai umr baharon ke sog mein Amjad! Meri lahad pe khilen jaavdaan gulaab ke phool