ساتھی
پھول کی خوشبو ہنستی آئی میرے بسیرے کو مہکانے میں خوشبو میں خوشبو مجھ میں اس کو میں جانوں مجھ کو وہ جانے مجھ سے چھو کر مجھ میں بس کر اس کی بہاریں اس کے زمانے لاکھوں پھولوں کی مہکاریں رکھتے ہیں گلشن ویرانے مجھ سے الگ ہیں مجھ سے جدا ہیں میں بیگانہ وہ بیگانے ان کو بکھیرا ان کو اڑایا دست خزاں نے موج صبا نے بھولا بھٹکا ناداں قطرہ آنکھوں کی پتلی کو سجانے آنسو بن کر دوڑا آیا میری پلکیں اس کے ٹھکانے اس کا تھرکنا، اس کا تڑپنا میرے قصے میرے فسانے اس کی ہستی میری ہستی اس کے موتی میرے خزانے باقی سارے گوہر پارے خاک کے ذرے ریت کے دانے پربت کی اونچی چوٹی سے دامن پھیلایا جو گھٹا نے ٹھنڈی ہوا کے ٹھنڈے جھونکے بے خود آوارہ مستانے اپنی ٹھنڈک لے کر آئے میری آگ میں گھل مل جانے ان کی ہستی کا پیراہن میری سانس کے تانے بانے ان کے جھکولے میری امنگیں ان کی نوائیں میرے ترانے باقی سارے طوفانوں کو جذب کیا پہنائے فضا نے فطرت کی یہ گونا گونی گلشن بن وادی ویرانے کانٹے کلیاں نور اندھیرا انجمنیں شمعیں پروانے لاکھوں شاطر لاکھوں مہرے پھیلے ہیں شطرنج کے خانے جانتا ہوں میں یہ سب کیا ہیں صہبا سے خالی پیمانے بھوکی مٹی کو سونپے ہیں دنیا نے اپنے نذرانے جس نے میرا دامن تھاما آیا جو مجھ میں بس جانے میرے طوفانوں میں بہنے میری موجوں میں لہرانے میرے سوز دل کی لو سے اپنے من کی جوت جگانے زیست کی پہنائی میں پھیلے موت کی گیرائی کو نہ جانے اس کا بربط میرے نغمے اس کے گیسو میرے شانے میری نظریں اس کی دنیا میری سانسیں اس کے زمانے
English rendering
Phool ki khushboo hansti aayi Mere basere ko mehkane Main khushboo mein, khushboo mujh mein Usko main jaanoon, mujhko woh jaane Mujh se chhoo kar, mujh mein bas kar Uski baharein, uske zamane Lakhon phoolon ki mehkarin Rakhte hain gulshan veerane Mujh se alag hain, mujh se juda hain Main begaana, woh begaane Inko bikhhera, inko udhaya Dast-e-khizan ne, mauj-e-saba ne Bhoola bhatka nadaan qatra Aankhon ki putli ko sajane Aansu ban kar dauda aaya Meri palkein uske thikane Uska thirakna, uska tadapna Mere qisse, mere fasane Uski hasti, meri hasti Uske moti, mere khazane Baaqi saare gauhar paare Khaak ke zarre, reit ke daane Parbat ki oonchi choti se Daaman phailaya jo ghata ne Thandi hawa ke thande jhonke Be-khud aawara, mastane Apni thandak le kar aaye Meri aag mein ghul mil jaane Inki hasti ka pairahan Meri saans ke taane baane Inke jhakole meri umangein Inki nawayein mere tarane Baaqi saare toofanon ko Jazb kiya pehnaye faza ne Fitrat ki yeh goona gooni Gulshan ban, wadi, veerane Kaante, kaliyan, noor, andhera Anjumanein, shamaein, parwane Lakhon shatir, lakhon mohre Phaile hain shatranj ke khaane Jaanta hoon main yeh sab kya hain Sehba se khaali paimane Bhooki mitti ko saunpe hain Duniya ne apne nazrane Jis ne mera daaman thama Aaya jo mujh mein bas jaane Mere toofanon mein behne Meri maujon mein lehrane Mere soz-e-dil ki lau se Apne mann ki jot jagane Zeest ki pehnayi mein phaile Maut ki gehraayi ko na jaane Uska barbat mere naghme Uske gesu mere shaane Meri nazrein uski duniya Meri saansein uske zamane