اس اپنی کرن کو آتی ہوئی صبحوں کے حوالے کرنا ہے
اس اپنی کرن کو آتی ہوئی صبحوں کے حوالے کرنا ہے کانٹوں سے الجھ کر جینا ہے پھولوں سے لپٹ کر مرنا ہے شاید وہ زمانہ لوٹ آئے شاید وہ پلٹ کر دیکھ بھی لیں ان اجڑی اجڑی نظروں میں پھر کوئی فسانہ بھرنا ہے یہ سوز دروں یہ اشک رواں یہ کاوش ہستی کیا کہیے مرتے ہیں کہ کچھ دن جی لیں ہم جیتے ہیں کہ آخر مرنا ہے اک شہر وفا کے بند دریچے آنکھیں میچے سوچتے ہیں کب قافلہ ہائے خندۂ گل کو ان راہوں سے گزرنا ہے اس نیلی دھند میں کتنے بجھتے زمانے راکھ بکھیر گئے اک پل کی پلک پر دنیا ہے کیا جینا ہے کیا مرنا ہے رستوں پہ اندھیرے پھیل گئے اک منزل غم تک شام ہوئی اے ہم سفرو کیا فیصلہ ہے اب چلنا ہے کہ ٹھہرنا ہے ہر حال میں اک شوریدگیٔ افسون تمنا باقی ہے خوابوں کے بھنور میں بہہ کر بھی خوابوں کے گھاٹ اترنا ہے
English rendering
Us apni kiran ko aati hui subhon ke hawale karna hai Kaanton se ulajh kar jeena hai phoolon se lipat kar marna hai Shayad woh zamana laut aaye shayad woh palat kar dekh bhi lein In ujdi ujdi nazron mein phir koi fasana bharna hai Ye soz-e-daroon ye ashk-e-rawan ye kawish-e-hasti kya kahiye Marte hain ke kuch din jee lein hum jeete hain ke akhir marna hai Ek shehar-e-wafa ke band dariche aankhein meenche sochte hain Kab qaafila-ha-e-khanda-e-gul ko in raahon se guzarna hai Us neeli dhund mein kitne bujhte zamane rakh bikher gaye Ek pal ki palak par duniya hai kya jeena hai kya marna hai Raston pe andhere phail gaye ek manzil-e-gham tak sham hui Ae hum-safaro kya faisla hai ab chalna hai ke theharna hai Har haal mein ek shoridagi-e-afsoon-e-tamanna baqi hai Khwabon ke bhanwar mein beh kar bhi khwabon ke ghaat utarna hai