میر انیس

English rendering

Ishaare kyā nigah-e-nāz dil-rubā ke chale Sitam ke tīr chale nīmche qazā ke chale Gunah kā bojh jo gardan pe hum uṭhā ke chale Khuda ke āge khijālat se sar jhukā ke chale Talab se 'ār hai Allāh se faqīroñ ko Kahīñ jo ho gayā pherā sadā sunā ke chale Pukāre kahtī thī hasrat se na'sh-e-'āshiq kī Sanam kidhar ko hameñ khāk meñ milā ke chale Misāl-e-māhī-e-be-āb maujeñ taṛpā kīñ Habāb phūṭ ke ro'e jo tum nahā ke chale Maqām yūñ huā is kār-gāh-e-duniyā meñ Ke jaise din ko musāfir sarā meñ ā ke chale Kisī kā dil na kiyā hum ne pā'emāl kabhī Chale jo rāh to chīūnṭī ko bhī bachā ke chale Milā jinheñ unhīñ iftādagī se auj milā Unhīñ ne khāī hai ṭhokar jo sar uṭhā ke chale Anīs dam kā bharosa nahīñ ṭhahar jāo Charāgh le ke kahāñ sāmne havā ke chale