نمود و بود کو عاقل حباب سمجھے ہیں
نمود و بود کو عاقل حباب سمجھے ہیں وہ جاگتے ہیں جو دنیا کو خواب سمجھے ہیں کبھی برا نہیں جانا کسی کو اپنے سوا ہر ایک ذرے کو ہم آفتاب سمجھے ہیں عجب نہیں ہے جو شیشوں میں بھر کے لے جائیں ان آنسوؤں کو فرشتے گلاب سمجھے ہیں زمانہ ایک طرح پر کبھی نہیں رہتا اسی کو اہل جہاں انقلاب سمجھے ہیں انہیں کو دار بقا کی ہے پختگی کا خیال جو بے ثباتی دہر خراب سمجھے ہیں شباب کھو کے بھی غفلت وہی ہے پیروں کو سحر کی نیند کو بھی شب کا خواب سمجھے ہیں لحد میں آئیں نکیرین آئیں بسم اللہ ہر اک سوال کا ہم بھی جواب سمجھے ہیں اگر غرور ہے اعدا کو اپنی کثرت پر تو اس حیات کو ہم بھی حباب سمجھے ہیں نہ کچھ خبر ہے حدیثوں کی ان سفیہوں کو نہ یہ معانی ام الکتاب سمجھے ہیں کبھی شقی متمتع نہ ہوں گے دنیا سے جسے یہ آب اسے ہم سراب سمجھے ہیں مزیل عقل ہے دنیا کی دولت اے منعم اسی کے نشے کو صوفی شراب سمجھے ہیں حرارتیں ہیں مآل حلاوت دنیا وہ زہر ہے جسے ہم شہد ناب سمجھے ہیں انیسؔ مخمل و دیبا سے کیا فقیروں کو اسی زمین کو ہم فرش خواب سمجھے ہیں
English rendering
Numūd o būd ko 'āqil habāb samjhe haiñ Woh jāgte haiñ jo duniyā ko khwāb samjhe haiñ Kabhī burā nahīñ jānā kisī ko apne sivā Har ek zarre ko hum āftāb samjhe haiñ Ajab nahīñ hai jo shīshoñ meñ bhar ke le jā'eñ In āñsu'oñ ko farishte gulāb samjhe haiñ Zamāna ek tarah par kabhī nahīñ rahtā Isī ko ahl-e-jahāñ inqilāb samjhe haiñ Unhīñ ko dār-e-baqā kī hai pukhtagī kā khayāl Jo be-sabātī-e-dahr kharāb samjhe haiñ Shabāb kho ke bhī ghaflat vahī hai pīroñ ko Sahar kī nīñd ko bhī shab kā khwāb samjhe haiñ Lahad meñ ā'eñ Nakīrāyn ā'eñ Bismillāh Har ek savāl kā hum bhī javāb samjhe haiñ Agar gharūr hai a'adā ko apnī kasrat par To is hayāt ko hum bhī habāb samjhe haiñ Na kuchh khabar hai hadīsoñ kī in safīhoñ ko Na yeh ma'ānī Umm-ul-kitāb samjhe haiñ Kabhī shaqī mutamatti' na hoñge duniyā se Jise yeh āb use hum sarāb samjhe haiñ Muzīl-e-'aql hai duniyā kī daulat ai mun'im Isī ke nashe ko sūfī sharāb samjhe haiñ Harārateñ haiñ ma'āl-e-halāvat-e-duniyā Woh zahr hai jise hum shahd-e-nāb samjhe haiñ Anīs makhmal o dībā se kyā faqīroñ ko Isī zamīñ ko hum farsh-e-khwāb samjhe haiñ