سدا ہے فکر ترقی بلند بینوں کو
سدا ہے فکر ترقی بلند بینوں کو ہم آسمان سے لائے ہیں ان زمینوں کو پڑھیں درود نہ کیوں دیکھ کر حسینوں کو خیال صنعت صانع ہے پاک بینوں کو کمال فقر بھی شایاں ہے پاک بینوں کو یہ خاک تخت ہے ہم بوریا نشینوں کو لحد میں سوئے ہیں چھوڑا ہے شہ نشینوں کو قضا کہاں سے کہاں لے گئی مکینوں کو یہ جھریاں نہیں ہاتھوں پہ ضعف پیری نے چنا ہے جامۂ اصلی کی آستینوں کو لگا رہا ہوں مضامین نو کے پھر انبار خبر کرو مرے خرمن کے خوشہ چینوں کو بھلا تردد بے جا سے ان میں کیا حاصل اٹھا چکے ہیں زمیندار جن زمینوں کو انہیں کو آج نہیں بیٹھنے کی جا ملتی معاف کرتے تھے جو لوگ کل زمینوں کو یہ زائروں کو ملیں سرفرازیاں ورنہ کہاں نصیب کہ چومیں ملک جبینوں کو سجایا ہم نے مضامیں کے تازہ پھولوں سے بسا دیا ہے ان اجڑی ہوئی زمینوں کو لحد بھی دیکھیے ان میں نصیب ہو کہ نہ ہو کہ خاک چھان کے پایا ہے جن زمینوں کو زوال طاقت و موئے سپید و ضعف بصر انہیں سے پائے بشر موت کے قرینوں کو نہیں خبر انہیں مٹی میں اپنے ملنے کی زمیں میں گاڑ کے بیٹھے ہیں جو دفینوں کو خبر نہیں انہیں کیا بندوبست پختہ کی جو غصب کرنے لگے غیر کی زمینوں کو جہاں سے اٹھ گئے جو لوگ پھر نہیں ملتے کہاں سے ڈھونڈ کے اب لائیں ہم نشینوں کو نظر میں پھرتی ہے وہ تیرگی و تنہائی لحد کی خاک ہے سرمہ مآل بینوں کو خیال خاطر احباب چاہیئے ہر دم انیسؔ ٹھیس نہ لگ جائے آبگینوں کو
English rendering
Sadā hai fikr-e-taraqqī baland-bīnoñ ko Hum āsmāñ se lā'e haiñ un zamīnoñ ko Paṛheñ durūd na kyūñ dekh kar hasīnoñ ko Khayāl-e-san'at-e-sāni' hai pāk-bīnoñ ko Kamāl-e-faqr bhī shāyāñ hai pāk-bīnoñ ko Yeh khāk takht hai hum boriyā-nashīnoñ ko Lahad meñ so'e haiñ chhoṛā hai shāh-nashīnoñ ko Qazā kahāñ se kahāñ le ga'ī makīnoñ ko Yeh jhurriyāñ nahīñ hāthoñ pe za'f-e-pīrī ne Chunā hai jāma-e-aslī kī āstīnoñ ko Lagā rahā hūñ mazāmīn-e-nau ke phir ambār Khabar karo mire khirman ke khosha-chīnoñ ko Bhalā taraddud-e-be-jā se in meñ kyā hāsil Uṭhā chuke haiñ zamīndār jin zamīnoñ ko Unhīñ ko āj nahīñ baiṭhne kī jā miltī Mu'āf karte the jo log kal zamīnoñ ko Yeh zā'iroñ ko mileñ sarfarāziyāñ varna Kahāñ nasīb ke chūmeñ malak jabīnoñ ko Sajāyā hum ne mazāmīñ ke tāza phūloñ se Basā diyā hai un ujaṛī huī zamīnoñ ko Lahad bhī dekhiye in meñ nasīb ho ke na ho Ke khāk chhān ke pāyā hai jin zamīnoñ ko Zawāl-e-tāqat o mū-e-safed o za'f-e-basar Unhīñ se pā'e bashar maut ke qarīnoñ ko Nahīñ khabar unhīñ miṭṭī meñ apne milne kī Zamīñ meñ gāṛ ke baiṭhe haiñ jo dafīnoñ ko Khabar nahīñ unhīñ kyā bandobast-e-pukhta kī Jo ghasb karne lage ghair kī zamīnoñ ko Jahāñ se uṭh ga'e jo log phir nahīñ milte Kahāñ se ḍhūñḍh ke ab lā'eñ hum nashīnoñ ko Nazar meñ phirtī hai woh tīrgī o tanhā'ī Lahad kī khāk hai sarmāya-e-māl-bīnoñ ko Khayāl-e-khātir-e-ahbāb chāhiye har dam Anīs ṭhes na lag jā'e ābgīnoñ ko