خود نوید زندگی لائی قضا میرے لیے
خود نوید زندگی لائی قضا میرے لیے شمع کشتہ ہوں فنا میں ہے بقا میرے لیے زندگی میں تو نہ اک دم خوش کیا ہنس بول کر آج کیوں روتے ہیں میرے آشنا میرے لیے کنج عزلت میں مثال آسیا ہوں گوشہ گیر رزق پہنچاتا ہے گھر بیٹھے خدا میرے لیے تو سراپا اجر اے زاہد میں سر تا پا گناہ باغ جنت تیری خاطر کربلا میرے لیے نام روشن کر کے کیونکر بجھ نہ جاتا مثل شمع نا موافق تھی زمانہ کی ہوا میرے لیے ہر نفس آئینۂ دل سے یہ آتی ہے صدا خاک تو ہو جا تو حاصل ہو جلا میرے لیے خاک سے ہے خاک کو الفت تڑپتا ہوں انیسؔ کربلا کے واسطے میں کربلا میرے لیے
English rendering
Khud navīd-e-zindagī lāī qazā mere liye Sham'-e-kushta hūñ fanā meñ hai baqā mere liye Zindagī meñ to na ek dam khush kiyā hañs bol kar Āj kyūñ rote haiñ mere āshnā mere liye Kunj-e-'uzlat meñ misāl-e-āsiyā hūñ gosha-gīr Rizq pahuñchātā hai ghar baiṭhe khudā mere liye Tū sarāpā ajr ai zāhid maiñ sar tā pā gunāh Bāgh-e-jannat terī khātir Karbalā mere liye Nām roshan kar ke kyūñkar bujh na jātā misl-e-sham' Nā muvāfiq thī zamāna kī havā mere liye Har nafas ā'īna-e-dil se yeh ātī hai sadā Khāk tū ho jā to hāsil ho jalā mere liye Khāk se hai khāk ko ulfat taṛaptā hūñ Anīs Karbalā ke vāste maiñ Karbalā mere liye