آہ سحر نے سوزش دل کو مٹا دیا
آہ سحر نے سوزش دل کو مٹا دیا اس باؤ نے ہمیں تو دیا سا بجھا دیا سمجھی نہ باد صبح کہ آ کر اٹھا دیا اس فتنۂ زمانہ کو ناحق جگا دیا پوشیدہ راز عشق چلا جائے تھا سو آج بے طاقتی نے دل کی وہ پردہ اٹھا دیا اس موج خیز دہر میں ہم کو قضا نے آہ پانی کے بلبلے کی طرح سے مٹا دیا تھی لاگ اس کی تیغ کو ہم سے سو عشق نے دونوں کو معرکے میں گلے سے ملا دیا سب شور ما و من کو لیے سر میں مر گئے یاروں کو اس فسانے نے آخر سلا دیا آوارگان عشق کا پوچھا جو میں نشاں مشت غبار لے کے صبا نے اڑا دیا اجزا بدن کے جتنے تھے پانی ہو بہہ گئے آخر گداز عشق نے ہم کو بہا دیا کیا کچھ نہ تھا ازل میں نہ تالا جو تھے درست ہم کو دل شکستہ قضا نے دلا دیا گویا محاسبہ مجھے دینا تھا عشق کا اس طور دل سی چیز کو میں نے لگا دیا مدت رہے گی یاد ترے چہرے کی جھلک جلوے کو جس نے ماہ کے جی سے بھلا دیا ہم نے تو سادگی سے کیا جی کا بھی زیاں دل جو دیا تھا سو تو دیا سر جدا دیا بوئی کباب سوختہ آئی دماغ میں شاید جگر بھی آتش غم نے جلا دیا تکلیف درد دل کی عبث ہم نشیں نے کی درد سخن نے میرے سبھوں کو رلا دیا ان نے تو تیغ کھینچی تھی پر جی چلا کے میرؔ ہم نے بھی ایک دم میں تماشا دکھا دیا
English rendering
Aah-e-sahar ne sozish-e-dil ko mita diya Us baao ne hamein to diya sa bujha diya Samjhi na bad-e-subah ke aa kar utha diya Us fitna-e-zamana ko nahaq jaga diya Posheeda raz-e-ishq chala jaye tha so aaj Be-taqati ne dil ki woh parda utha diya Us mauj-khez-e-dahr mein ham ko qaza ne aah Pani ke bulbule ki tarah se mita diya Thi lag us ki tegh ko ham se so ishq ne Donon ko ma'rake mein gale se mila diya Sab shor-e-ma-o-man ko liye sar mein mar gaye Yaron ko is fasane ne aakhir sula diya Awaragan-e-ishq ka poochha jo main nishan Musht-e-ghubar le ke saba ne uda diya Ajza badan ke jitne the pani ho bah gaye Aakhir gudaz-e-ishq ne ham ko baha diya Kya kuchh na tha azal mein na tala jo the durust Ham ko dil-shikasta qaza ne dila diya Goya muhasiba mujhe dena tha ishq ka Is taur dil si cheez ko main ne laga diya Muddat rahegi yaad tere chehre ki jhalak Jalwe ko jis ne mah ke ji se bhula diya Ham ne to saadgi se kiya ji ka bhi ziyan Dil jo diya tha so to diya sar juda diya Bui kabab-e-sokhta aayi dimagh mein Shayad jigar bhi atish-e-gham ne jala diya Takleef dard-e-dil ki abas ham-nasheen ne ki Dard-e-sukhan ne mere sabhon ko rula diya Un ne to tegh khenchi thi par ji chala ke Meer Ham ne bhi ek dam mein tamasha dikha diya