برنگ بوئے گل اس باغ کے ہم آشنا ہوتے
برنگ بوئے گل اس باغ کے ہم آشنا ہوتے کہ ہم راہ صبا ٹک سیر کرتے پھر ہوا ہوتے سراپا آرزو ہونے نے بندہ کر دیا ہم کو وگرنہ ہم خدا تھے گر دل بے مدعا ہوتے فلک اے کاش ہم کو خاک ہی رکھتا کہ اس میں ہم غبار راہ ہوتے یا کسو کی خاک پا ہوتے الٰہی کیسے ہوتے ہیں جنہیں ہے بندگی خواہش ہمیں تو شرم دامن گیر ہوتی ہے خدا ہوتے تو ہے کس ناحیے سے اے دیار عشق کیا جانوں ترے باشندگاں ہم کاش سارے بے وفا ہوتے اب ایسے ہیں کہ صانع کے مزاج اوپر بہم پہنچے جو خاطر خواہ اپنے ہم ہوئے ہوتے تو کیا ہوتے کہیں جو کچھ ملامت گر بجا ہے میرؔ کیا جانیں انہیں معلوم تب ہوتا کہ ویسے سے جدا ہوتے
English rendering
Barang-e-bū-e-gul is bāgh ke hum āshnā hote Ke hum rāh-e-sabā ṭuk sair karte phir havā hote Sarāpā ārzū hone ne banda kar diyā hum ko Vagarna hum khudā the gar dil be-mudda'ā hote Falak ai kāsh hum ko khāk hī rakhtā ke is meñ hum Ghubār-e-rāh hote yā kisū kī khāk-e-pā hote Ilāhī kaise hote haiñ jinheñ hai bandagī khwāhish Hameñ to sharm dāman-gīr hotī hai khudā hote Tū hai kis nāhiye se ai diyār-e-ishq kyā jānūñ Tere bāshindagāñ hum kāsh sāre be-vafā hote Ab aise haiñ ke sāni' ke mizāj ūpar baham pahuñche Jo khātir-khwāh apne hum hue hote to kyā hote Kahīñ jo kuchh malāmat gar bajā hai Mīr kyā jāneñ Unheñ ma'lūm tab hotā ke vaise se judā hote