میر تقی میر

English rendering

Hamāre āge terā jab kisū ne nām liyā Dil sitam-zada ko hum ne thām thām liyā Qasam jo khāiye to tāle'-e-Zulaikhā kī 'Azīz-e-Misr kā bhī sāhib ek ghulām liyā Kharāb rahte the masjid ke āge mai-khāne Nigāh-e-mast ne sāqī kī intiqām liyā Woh kaj-ravish na milā rāste meñ mujh se kabhī Na sīdhī tarah se un ne mirā salām liyā Mazā dikhāvīñge be-rahmī kā terī sayyād Gar iztirāb-e-asīrī ne zer-e-dām liyā Mere salīqe se merī nibhī muhabbat meñ Tamām 'umar maiñ nākāmiyoñ se kām liyā Agarchih gosha-gazīñ hūñ maiñ shā'iroñ meñ Mīr Pah mere shor ne rū-e-zamīñ tamām liyā