عشق میں ذلت ہوئی خفت ہوئی تہمت ہوئی
عشق میں ذلت ہوئی خفت ہوئی تہمت ہوئی آخر آخر جان دی یاروں نے یہ صحبت ہوئی عکس اس بے دید کا تو متصل پڑتا تھا صبح دن چڑھے کیا جانوں آئینے کی کیا صورت ہوئی لوح سینہ پر مری سو نیزۂ خطی لگے خستگی اس دل شکستہ کی اسی بابت ہوئی کھولتے ہی آنکھیں پھر یاں موندنی ہم کو پڑیں دید کیا کوئی کرے وہ کس قدر مہلت ہوئی پاؤں میرا کلبۂ احزاں میں اب رہتا نہیں رفتہ رفتہ اس طرف جانے کی مجھ کو لت ہوئی مر گیا آوارہ ہو کر میں تو جیسے گرد باد پر جسے یہ واقعہ پہنچا اسے وحشت ہوئی شاد و خوش طالع کوئی ہوگا کسو کو چاہ کر میں تو کلفت میں رہا جب سے مجھے الفت ہوئی دل کا جانا آج کل تازہ ہوا ہو تو کہوں گزرے اس بھی سانحے کو ہم نشیں مدت ہوئی شوق دل ہم نا توانوں کا لکھا جاتا ہے کب اب تلک آپ ہی پہنچنے کی اگر طاقت ہوئی کیا کف دست ایک میداں تھا بیاباں عشق کا جان سے جب اس میں گزرے تب ہمیں راحت ہوئی یوں تو ہم عاجز ترین خلق عالم ہیں ولے دیکھیو قدرت خدا کی گر ہمیں قدرت ہوئی گوش زد چٹ پٹ ہی مرنا عشق میں اپنے ہوا کس کو اس بیماری جانکاہ سے فرصت ہوئی بے زباں جو کہتے ہیں مجھ کو سو چپ رہ جائیں گے معرکے میں حشر کے گر بات کی رخصت ہوئی ہم نہ کہتے تھے کہ نقش اس کا نہیں نقاش سہل چاند سارا لگ گیا تب نیم رخ صورت ہوئی اس غزل پر شام سے تو صوفیوں کو وجد تھا پھر نہیں معلوم کچھ مجلس کی کیا حالت ہوئی کم کسو کو میرؔ کی میت کی ہاتھ آئی نماز نعش پر اس بے سر و پا کی بلا کثرت ہوئی
English rendering
Ishq mein zillat hui khiffat hui tuhmat hui Aakhir aakhir jaan di yaaron ne yeh sohbat hui Aks us be-deed ka to muttasil padta tha subah Din chade kya jaanon aaine ki kya soorat hui Lauh-e-seena par meri sau neza khati lage Khastegi is dil-e-shikasta ki isi babat hui Kholte hi aankhen phir yan moondni ham ko padin Deed kya koi kare woh kis qadar mohlat hui Paon mera kalba-e-ahzan mein ab rehta nahin Rafta rafta us taraf jaane ki mujh ko lat hui Mar gaya awarah ho kar main to jaise gard-e-baad Par jise yeh waqia pahuncha use wahshat hui Shaad-o-khush-tala' koi hoga kiso ko chah kar Main to ulfat mein raha jab se mujhe ulfat hui Dil ka jaana aaj kal taza hua ho to kahoon Guzre is bhi sanehe ko ham-nasheen muddat hui Shauq-e-dil ham natavanon ka likha jata hai kab Ab talak aap hi pahunchne ki agar taqat hui Kya kaf-e-dast ek maidan tha biyaban-e-ishq ka Jaan se jab is mein guzre tab hamein rahat hui Yun to ham ajiz-tareen khalq-e-alam hain wale Dekhiyo qudrat Khuda ki gar hamein qudrat hui Gosh-zad chat-pat hi marna ishq mein apne hua Kis ko is bimari-e-jankah se fursat hui Be-zaban jo kehte hain mujh ko so chup rah jayenge Ma'rake mein hashr ke gar baat ki rukhsat hui Ham na kehte the ke naqsh us ka nahin naqqash sahl Chand sara lag gaya tab neem rukh surat hui Is ghazal par sham se to sufiyon ko wajd tha Phir nahin maloom kuchh majlis ki kya halat hui Kam kiso ko Meer ki mayyat ki hath aayi namaz Na'sh par is be-sar-o-pa ki bala kasrat hui