لذت سے نہیں خالی جانوں کا کھپا جانا
لذت سے نہیں خالی جانوں کا کھپا جانا کب خضر و مسیحا نے مرنے کا مزہ جانا ہم جاہ و حشم یاں کا کیا کہیے کہ کیا جانا خاتم کو سلیماں کی انگشتر پا جانا یہ بھی ہے ادا کوئی خورشید نمط پیارے منہ صبح دکھا جانا پھر شام چھپا جانا کب بندگی میری سی بندہ کرے گا کوئی جانے ہے خدا اس کو میں تجھ کو خدا جانا تھا ناز بہت ہم کو دانست پر اپنی بھی آخر وہ برا نکلا ہم جس کو بھلا جانا گردن کشی کیا حاصل مانند بگولے کی اس دشت میں سر گاڑے جوں سیل چلا جانا اس گریۂ خونیں کا ہو ضبط تو بہتر ہے اچھا نہیں چہرے پر لوہو کا بہا جانا یہ نقش دلوں پر سے جانے کا نہیں اس کو عاشق کے حقوق آ کر ناحق بھی مٹا جانا ڈھب دیکھنے کا ایدھر ایسا ہی تمہارا تھا جاتے تو ہو پر ہم سے ٹک آنکھ ملا جانا اس شمع کی مجلس میں جانا ہمیں پھر واں سے اک زخم زباں تازہ ہر روز اٹھا جانا اے شور قیامت ہم سوتے ہی نہ رہ جاویں اس راہ سے نکلے تو ہم کو بھی جگا جانا کیا پانی کے مول آ کر مالک نے گہر بیچا ہے سخت گراں سستا یوسف کا بکا جانا ہے میری تری نسبت روح اور جسد کی سی کب آپ سے میں تجھ کو اے جان جدا جانا جاتی ہے گزر جی پر اس وقت قیامت سی یاد آوے ہے جب تیرا یکبارگی آ جانا برسوں سے مرے اس کی رہتی ہے یہی صحبت تیغ اس کو اٹھانا تو سر مجھ کو جھکا جانا کب میرؔ بسر آئے تم ویسے فریبی سے دل کو تو لگا بیٹھے لیکن نہ لگا جانا
English rendering
Lazzat se nahin khali jaanon ka khapa jaana Kab Khizr o Masiha ne marne ka maza jaana Ham jah-o-hasham yan ka kya kahiye ke kya jaana Khatam ko Sulaiman ki angushtar pa jaana Yeh bhi hai ada koi khursheed namat pyare Munh subah dikha jaana phir sham chhupa jaana Kab bandagi meri si banda kare ga koi Jaane hai Khuda us ko main tujh ko Khuda jaana Tha naaz bahut ham ko danist par apni bhi Aakhir woh bura nikla ham jis ko bhala jaana Gardan-kashi kya hasil manind-e-bagule ki Is dasht mein sar gade jun sail chala jaana Is girya-e-khooneen ka ho zabt to behtar hai Achha nahin chehre par lohu ka baha jaana Yeh naqsh dilon par se jaane ka nahin us ko Ashiq ke huqooq aa kar nahaq bhi mita jaana Dhab dekhne ka idhar aisa hi tumhara tha Jaate to ho par ham se tuk aankh mila jaana Is shama' ki majlis mein jaana hamein phir wan se Ek zakhm-e-zaban taza har roz utha jaana Ae shor-e-qayamat ham sote hi na rah jawen Is rah se nikle to ham ko bhi jaga jaana Kya pani ke mol aa kar Malik ne gauhar becha Hai sakht giran sasta Yusuf ka bika jaana Hai meri teri nisbat rooh aur jasad ki si Kab aap se main tujh ko ae jaan juda jaana Jaati hai guzar ji par us waqt qayamat si Yaad aave hai jab tera yakbargi aa jaana Barson se mere us ki rehti hai yehi sohbat Tegh us ko uthana to sar mujh ko jhuka jaana Kab Meer basar aaye tum waise farebi se Dil ko to laga baithe lekin na laga jaana