مظفر وارثی

English rendering

Aap Mehboob-e-Khuda, Ya Mustafa Ho gaya dil aap ka, Ya Mustafa Woh haqeeqat mein kaha Allah ne Aap ne jo kuch kaha, Ya Mustafa Aap par aur aap ke farmaan par Jaan o dil se hum fida, Ya Mustafa Aap ke naqsh-e-qadam par hum chalein Aap sab ke rehnuma, Ya Mustafa Waaliyaan-e-mulk, sultaan, taajwar Aap ke dar ke gada, Ya Mustafa Ummaton mein afzal ummat aap ki Aap Shah-e-Ambiya, Ya Mustafa Deen-e-Haq ki aap ne ta'leem di Aap Haq hain, Haq numa, Ya Mustafa Aap hi ne to kiya insaan ko Khud-nigar, khud-aashna, Ya Mustafa Aap par hain khatm saari azmatein Tha na hoga aap sa, Ya Mustafa Har ghaṛi mein aap par bhejoon durood Dil kahe "Sallay Ala", Ya Mustafa