اب کے برسات کی رت اور بھی بھڑکیلی ہے
اب کے برسات کی رت اور بھی بھڑکیلی ہے جسم سے آگ نکلتی ہے قبا گیلی ہے سوچتا ہوں کہ اب انجام سفر کیا ہوگا لوگ بھی کانچ کے ہیں راہ بھی پتھریلی ہے شدت کرب میں ہنسنا تو ہنر ہے میرا ہاتھ ہی سخت ہیں زنجیر کہاں ڈھیلی ہے گرد آنکھوں میں سہی داغ تو چہرے پہ نہیں لفظ دھندلے ہیں مگر فکر تو چمکیلی ہے گھول دیتا ہے سماعت میں وہ میٹھا لہجہ کس کو معلوم کہ یہ قند بھی زہریلی ہے پہلے رگ رگ سے مری خون نچوڑا اس نے اب یہ کہتا ہے کہ رنگت ہی مری پیلی ہے مجھ کو بے رنگ ہی کر دیں نہ کہیں رنگ اتنے سبز موسم ہے ہوا سرخ فضا نیلی ہے میری پرواز کسی کو نہیں بھاتی تو نہ بھائے کیا کروں ذہن مظفرؔ مرا جبریلی ہے
English rendering
Ab ke barsaat ki rut aur bhi bharkeeli hai Jism se aag nikalti hai qaba geeli hai Sochta hoon ke ab anjaam-e-safar kya hoga Log bhi kaanch ke hain raah bhi patthareeli hai Shiddat-e-karb mein hansna to hunar hai mera Haath hi sakht hain zanjeer kahan dheeli hai Gard aankhon mein sahi daagh to chehre pe nahin Lafz dhundhle hain magar fikr to chamkeeli hai Ghol deta hai sama'at mein woh meetha lehja Kis ko maaloom ke yeh qand bhi zehreeli hai Pehle rag rag se miri khoon nichoṛa us ne Ab yeh kehta hai ke rangat hi miri peeli hai Mujh ko be-rang hi kar dein na kahin rang itne Sabz mausam hai hawa surkh fiza neeli hai Meri parwaaz kisi ko nahin bhaati to na bhaaye Kya karoon zehn Muzaffar mira Jibreeli hai