خود مری آنکھوں سے اوجھل میری ہستی ہو گئی
خود مری آنکھوں سے اوجھل میری ہستی ہو گئی آئنہ تو صاف ہے تصویر دھندلی ہو گئی سانس لیتا ہوں تو چبھتی ہیں بدن میں ہڈیاں روح بھی شاید مری اب مجھ سے باغی ہو گئی فاش کر دیں میں نے خود اندر کی بے ترتیبیاں زندگی آرائشوں میں اور ننگی ہو گئی پیار کرتی ہیں مرے رستوں سے کیا کیا بندشیں توڑ دی زنجیر تو دیوار اونچی ہو گئی میری جانب آئے پس منظر سے پتھر بے شمار رنگ دنیا دیکھ کر بینائی زخمی ہو گئی پڑ گیا پردہ سماعت پر تری آواز کا ایک آہٹ کتنے ہنگاموں پہ حاوی ہو گئی کر گیا ہے مبتلائے کرب اور اک سانحہ اور کچھ دن زندہ رہنے کی تلافی ہو گئی خواہشوں کی آگ بھی بھڑکائے گی اب کیا مجھے راکھ بھی میری مظفرؔ اب تو ٹھنڈی ہو گئی
English rendering
Khud miri aankhon se ojhal miri hasti ho gai Aaina to saaf hai tasveer dhundli ho gai Saans leta hoon to chubhti hain badan mein haddiyaan Rooh bhi shayad miri ab mujh se baaghi ho gai Faash kar dii main ne khud andar ki be-tarteebiyaan Zindagi aaraishon mein aur nangi ho gai Pyaar karti hain mire raston se kya kya bandishein Toṛ di zanjeer to deewaar oonchi ho gai Meri jaanib aaye pas-manzar se patthar be-shumaar Rang duniya dekh kar beenaai zakhmi ho gai Paṛ gaya parda sama'at par teri aawaaz ka Ek aahaṭ kitne hangaamon pe haawi ho gai Kar gaya hai mubtala-e-karb aur ik saanihah Aur kuch din zinda rehne ki talaafi ho gai Khwahishon ki aag bhi bhaṛkaaye gi ab kya mujhe Raakh bhi meri Muzaffar ab to ṭhanḍi ho gai