ہم کیوں یہ کہیں کوئی ہمارا نہیں ہوتا
ہم کیوں یہ کہیں کوئی ہمارا نہیں ہوتا موجوں کے لئے کوئی کنارا نہیں ہوتا دل ٹوٹ بھی جائے تو محبت نہیں مٹتی اس راہ میں لٹ کر بھی خسارا نہیں ہوتا سرمایۂ شب ہوتے ہیں یوں تو سبھی تارے ہر تارہ مگر صبح کا تارا نہیں ہوتا اشکوں سے کہیں مٹتا ہے احساس تلون پانی میں جو گھل جائے وہ پارا نہیں ہوتا سونے کی ترازو میں مرا درد نہ تولو امداد سے غیرت کا گزارا نہیں ہوتا تم بھی تو مظفرؔ کی کسی بات پہ بولو شاعر کا ہی لفظوں پہ اجارا نہیں ہوتا
English rendering
Hum kyun ye kahein koi hamara nahin hota Maujon ke liye koi kinara nahin hota Dil toot bhi jaaye to mohabbat nahin mitti Is raah mein lut kar bhi khasara nahin hota Sarmaya-e-shab hote hain yun to sabhi taare Har tara magar subah ka tara nahin hota Ashkon se kahein mitta hai ehsas-e-talawwun Paani mein jo ghul jaaye wo paara nahin hota Sone ki tarazu mein mera dard na tolo Imdad se ghairat ka guzara nahin hota Tum bhi to Muzaffar ki kisi baat pe bolo Sha'er ka hi lafzon pe ijara nahin hota