چلتی رہی اس کوچے میں تلوار ہمیشہ
چلتی رہی اس کوچے میں تلوار ہمیشہ لاشے ہی نکلتے رہے دو چار ہمیشہ گل کھلتے رہیں چہچہے کرتا رہے بلبل یارب رہے آباد یہ گل زار ہمیشہ ہم رند ہوئے شاہد مقصود سے واصل جھگڑے میں رہے کافر و دیں دار ہمیشہ یاں تخم تمنا سے اگا کرتا ہے لالہ گل کھاتے ہیں ہر فصل میں دو چار ہمیشہ تڑپا کریں کوچے میں ترے سیکڑوں کشتے رنگیں رہے خوں سے تری تلوار ہمیشہ دیوانے ہیں مائل ہوں اگر حور و پری کے جو دیکھ رہے ہوں ترا دیدار ہمیشہ مجھ تشنۂ دیدار کو کس روز چھکایا پیاسا ہی رہا خوں کا وہ خونخوار ہمیشہ مشتاقوں نے تیرے نہ لیا کوڑیوں کے مول بکتا رہا یوسف سر بازار ہمیشہ ہے زلف مسلسل تری یا دام بلا ہے ہو رہتے ہیں دو چار گرفتار ہمیشہ کیوں کر تو مسیحا ہوا مشہور جہاں میں مرتے ہیں ترے ہاتھ سے بیمار ہمیشہ ہنگامے نئے روز ہوا کرتے ہیں برپا فتنے ہی اٹھاتی ہے وہ رفتار ہمیشہ اے رندؔ جنوں میں بھی نہ صحرا کو گئے ہم کھایا کئے پتھر سر بازار ہمیشہ
English rendering
Chalti rahi us kooche mein talwar hamesha Laashe hi nikalte rahe do chaar hamesha Gul khilte rahe'n cheh-chehe karta rahe bulbul Ya Rab! rahe abaad yeh gulzar hamesha Hum Rind! hue shahid-e-maqsood se waasil Jhagde mein rahe kafir-o-deen-dar hamesha Yaa'n tukhm-e-tamanna se uga karta hai lala Gul khate hain har fasl mein do chaar hamesha Tarpa karein kooche mein tere saikado'n kushte Rangeen rahe khoo'n se teri talwar hamesha Deewane hain, mail hoon agar hoor-o-pari ke Jo dekh rahe hon tera didaar hamesha Mujh tishna-e-didaar ko kis roz chhukaya Pyaasa hi raha khoo'n ka woh khoo'nkhwar hamesha Mushtaqo'n ne tere na liya kaudiyo'n ke mol Bikta raha Yusuf sar-e-bazaar hamesha Hai zulf-e-musalsal teri ya daam-e-bala hai Ho rehte hain do chaar giraftaar hamesha Kyo'n kar tu Maseeha hua mashhoor jahaa'n mein Marte hain tere haath se beemar hamesha Hangame naye roz hua karte hain barpa Fitne hi uthati hai woh raftaar hamesha Aye Rind! junoo'n mein bhi na sahra ko gaye hum Khaya kiye patthar sar-e-bazaar hamesha