رند لکھنوی

English rendering

Gar tujhe rooh-e-rawaan rahat-e-jaan kehte hain Sab baja kehte hain jo ahl-e-jahaan kehte hain Rukh ko gul qad ko tere sarv-e-rawaan kehte hain Log kya kya tujhe ae jaan-e-jahaan kehte hain Marz-e-ishq atibba se na tashkhees hua Kuch junoon kehte hain ba'ze khafqaan kehte hain Jo ke khoogar hain teri boo-e-dahan ke ae gul Ghuncha-e-gul ko bhi woh ganda-dahan kehte hain Zulf-o-rukh ki sahar-o-shaam jo karte hain deed Gul ko angaare woh sunbul ko dhuaan kehte hain Yun pata poochhiyo us hoor ke ghar ka qasid Kis ke kooche ko gulistan-e-jinaan kehte hain Qamat-e-yaar ko batlate hain ba'ze shamshaad Aksar us qad ko qayamat ka nishaan kehte hain Jis ne dekha tujhe ae jaan woh jaan-bar na hua Ahl-e-dil tujh ko baja aafat-e-jaan kehte hain Kyun na woh tifl-e-haseen hove azeez-e-dil Yusuf-e-waqt usay peer-o-jawaan kehte hain Sun ke kaate hain sukhan ko mere haasid ae Rind! Is liye log mujhe Saif-e-Zabaan kehte hain