ساتوں فلک کیے تہ و بالا نکل گیا
ساتوں فلک کیے تہ و بالا نکل گیا آخر شب فراق میں نالہ نکل گیا وحشت نے مجھ پہ عرصۂ ہستی کیا جو تنگ گھبرا کے سوئے عالم بالا نکل گیا سر دے دے باد گیسوئے جاناں کی چاہ میں پیٹا کرو لکیر کو کالا نکل گیا یعقوب وار روتا میں اس بت کے ہجر میں یوسف مرا خدائے تعالیٰ نکل گیا فرقت میں اس کی شدت گریہ کہاں تلک برسا برس کے ابر کا جھالا نکل گیا روکا کیے ملائکہ ہفت آسمان کے ساتوں فلک کو توڑ کے نالہ نکل گیا سوئے نہ ساکنان محلہ سحر تلک بے ساختہ جو رات کو نالہ نکل گیا کیوں کر نہ روئیے دل گم گشتہ کے لیے ناز و نعم سے تھا جسے پالا نکل گیا پیر مغاں فقیر کو سمجھے شراب خور جس میکدے میں لے کے پیالہ نکل گیا جاتا نہ گھر سے آپ کے ضد سے رقیب کی لیکن بہ پاس خاطر والا نکل گیا جھٹکا جو الجھی زلف کو جھنجھلا کے یار نے ہالے سے مچھلی کان سے بالا نکل گیا کس رشک گل کی دیکھی قبا اس نے تنگ چست باہر جو اپنے جامے سے لالہ نکل گیا دانہ تھا کیا حرام کا رزق حلال میں منہ سے جو اے کریم نوالہ نکل گیا بوٹا کہو نہ قامت دلبر کو شاعرو اب سرو سے بھی وہ قد بالا نکل گیا روندا کیا میں خار بیاباں کو اے جنون ہر اک بچا کے پاؤں کا چھالا نکل گیا کمبل میں اپنے گرم رہا میں فقیر مست کیا گیا نہ دور دار دونا نکل گیا پھر چل دلا نہ کوچۂ گیسو کا قصد کر ہے آج راہ کاٹ کے کالا نکل گیا اکتا گیا بتنگ ہوا کیا کرے غریب آخر تمہارا چاہنے والا نکل گیا مہمان ہے فقیر ہے سن لیں گے آپ رندؔ مرشد کا اپنے کر کے پیالا نکل گیا
English rendering
SaatouN falak kiye teh-o-bala nikal gaya Aakhir shab-e-firaq mein naala nikal gaya Wahshat ne mujh pe arsa-e-hasti kiya jo tang Ghabra ke su-e-alam-e-bala nikal gaya Sar de de baad-e-gesu-e-jaanN ki chaah mein Peeta karo lakeer ko kala nikal gaya Yaqub-waar rota main us but ke hijr mein Yusuf mera Khuda-e-Ta'ala nikal gaya Furqat mein us ki shiddat-e-girya kahan talak Barsa baras ke abr ka jhaala nikal gaya Roka kiye malaika haft aasman ke SaatouN falak ko tod ke naala nikal gaya Soe na saakinan-e-mahalla sahar talak Be-saakhta jo raat ko naala nikal gaya KyoN kar na roiye dil-e-gumgushta ke liye Naz-o-na'm se tha jise pala nikal gaya Peer-e-mughan faqeer ko samjhe sharaab-khor Jis maikade mein le ke pyaala nikal gaya Jaata na ghar se aap ke zidd se raqeeb ki Lekin ba-pas-e-khatir-e-wala nikal gaya Jhatka jo uljhi zulf ko jhinjhla ke yaar ne Haale se machhli kaan se bala nikal gaya Kis rashk-e-gul ki dekhi qaba us ne tang-o-chust Bahar jo apne jaame se laala nikal gaya Daana tha kya haram ka rizq-e-halal mein Munh se jo ae Kareem niwala nikal gaya Boota kaho na qamat-e-dilbar ko sha'iron Ab sarv se bhi woh qadd bala nikal gaya Raunda kiya main khar-e-biyaban ko ae junooN Har ik bacha ke paon ka chhaala nikal gaya Kambal mein apne garam raha main faqeer-e-mast Kiya gaya na door-e-daar doona nikal gaya Phir chal dila na koocha-e-gesu ka qasd kar Hai aaj raah kaat ke kala nikal gaya Ukta gaya ba-tang hua kya kare ghareeb Aakhir tumhara chahne wala nikal gaya Mehman hai faqeer hai sun leN ge aap Rind Murshid ka apne kar ke pyaala nikal gaya