چھپ کے گھر غیر کے جایا نہ کرو
چھپ کے گھر غیر کے جایا نہ کرو ربط ہر اک سے بڑھایا نہ کرو اے بتو بال بنایا نہ کرو سانپ ہاتھوں پہ کھلایا نہ کرو سبزۂ خط کو دکھایا نہ کرو طوطے ہاتھوں کے اڑایا نہ کرو رند غم ہجر کا کھایا نہ کرو جان کو اپنی کھپایا نہ کرو تذکرہ غیر کا لایا نہ کرو جلے کو اور جلایا نہ کرو منہ کو غنچے کے چڑایا نہ کرو گل کو کھلی میں اڑایا نہ کرو مدعا جو ہو زباں سے کہو صاف حرف مطلب کو چبایا نہ کرو اپنا سمجھو مرا دل شوق سے لو میری جاں اپنا پرایا نہ کرو مجھ کو بھی یاد ہیں فقرے صاحب جوڑ بندے پہ بنایا نہ کرو خود میں دم باز ہوں ہے دھیان کدھر مجھ کو فقروں میں اڑایا نہ کرو ہوش میں آؤ پری زادو تم مجھ کو دیوانہ بنایا نہ کرو ہم لہو تھوک کے مر جائیں گے لالی ہونٹوں پہ جمایا نہ کرو لوگ سودائی ہوئے جاتے ہیں دھڑی مسی کی لگایا نہ کرو ہو نہ انگشت نما مثل ہلال جان نوچندی میں جایا نہ کرو اے بتو اپنے خدا کو مانو کعبۂ دل کو تو ڈھایا نہ کرو میں تو حاضر ہوں وفاداری میں تم کرو مجھ سے وفا یا نہ کرو دھوکے دریا میں بھبوکا سے ہاتھ آگ پانی میں لگایا نہ کرو مجھ سے خلوت کی ملاقات رہے روز جلوت میں بلایا نہ کرو واسطے بندے کے بد نامی ہے جان صحبت میں بٹھایا نہ کرو دیکھنے والوں کی جانب دیکھو اس طرح آنکھ چرایا نہ کرو شرم بے جا ہے برا کرتے ہو اچھی صورت کو چھپایا نہ کرو جاؤ دریا پہ نہ تم غیر کے ساتھ ایسے مینڈھے تو لڑایا نہ کرو دانت پیسا نہ کرو عاشق پر جان یوں ہونٹھ چبایا نہ کرو چار دن وصل میں ہنس لینے دو آٹھ آٹھ آنسو رلایا نہ کرو لوگ بد وضع کہیں گے تم کو میلے ٹھیلے کبھی جایا نہ کرو جان کس کام کا یہ بھولا پن دم میں ہر ایک کے آیا نہ کرو عاشقوں کی بری گت ہوتی ہے تم ستاری تو بجایا نہ کرو حضرت دل یہی فرماتے ہیں عشق معشوق چھپایا نہ کرو خوش نہیں آتا اگر میرا کلام تو غزل بھی مری گایا نہ کرو تھامو اب قبضۂ شمشیر اے رندؔ کوفت پر کوفت اٹھایا نہ کرو
English rendering
Chhup ke ghar ghair ke jaaya na karo Rabt har ek se badhaaya na karo Aye buto baal banaya na karo Saanp haathon pe khilaya na karo Sabza-e-khat ko dikhaya na karo Toote haathon ke udaaya na karo Rind gham-e-hijr ka khaya na karo Jaan ko apni khapaya na karo Tazkira ghair ka laya na karo Jale ko aur jalaya na karo Munh ko ghunche ke chadhaya na karo Gul ko khuli mein udaaya na karo Muddua jo ho zabaan se kaho saaf Harf-e-matlab ko chabaya na karo Apna samjho mera dil shauq se lo Meri jaan apna paraya na karo Mujh ko bhi yaad hain fiqre sahib Jod bande pe banaya na karo Khud mein dam baaz huun hai dhyan kidhar Mujh ko fiqron mein udaaya na karo Hosh mein aao pari zado tum Mujh ko deevana banaya na karo Hum lahu thook ke mar jaayenge Laali honthon pe jamaya na karo Log saudai hue jaate hain Dhadi massi ki lagaya na karo Ho na angusht numa misl-e-hilal Jaan nau chandi mein jaaya na karo Aye buto apne Khuda ko mano Kaaba dil ko to dhaaya na karo Main to hazir huun wafadari mein Tum karo mujh se wafa ya na karo Dhoke dariya mein bhabhooka se haath Aag pani mein lagaya na karo Mujh se khalwat ki mulaqat rahe Roz-e-jalwat mein bulaya na karo Waste bande ke badnami hai Jaan sohbat mein bithaaya na karo Dekhne walon ki jaanib dekho Is tarah aankh churaya na karo Sharm be-ja hai bura karte ho Achhi soorat ko chhupaya na karo Jao dariya pe na tum ghair ke saath Aise mendhe to ladaaya na karo Daant peesa na karo aashiq par Jaan yun honth chabaya na karo Char din wasl mein hans lene do Aath aath aansu rulaya na karo Log bad waza' kahenge tum ko Maile thele kabhi jaaya na karo Jaan kis kaam ka ye bhola pan Dam mein har ek ke aaya na karo Aashiqon ki buri gat hoti hai Tum sitaari to bajaya na karo Hazrat-e-dil yehi farmate hain Ishq ma'ashooq chhupaya na karo Khush nahin aata agar mera kalaam To ghazal bhi meri gaaya na karo Thaamo ab qabza-e-shamshir aye Rind Kooft par kooft uthaaya na karo