دل کس سے لگاؤں کہیں دلبر نہیں ملتا
دل کس سے لگاؤں کہیں دلبر نہیں ملتا کیا ظلم سہوں کوئی ستم گر نہیں ملتا خط لے کے گیا جو وہ کبوتر نہیں ملتا کیا ذکر کبوتر کا ہے اک پر نہیں ملتا زلفوں کی طرح عمر بسر ہو گئی اپنی ہم خانہ بدوشوں کو کہیں گھر نہیں ملتا کیا خاک مداوا کریں شوریدہ سری کا سر پھوڑنے کو ڈھونڈھیں تو پتھر نہیں ملتا گنجلک نہیں مٹتی جو طبیعت میں پڑی ہے دل تجھ سے کسی طور سے دلبر نہیں ملتا کیا کیجئے تعریف بنا گوش کی اس کے آویزے کو جس کان کے گوہر نہیں ملتا گم جب سے ہوا ہوں میں تری راہ طلب میں جب ڈھونڈھتا ہوں آپ کو اکثر نہیں ملتا کچھ طالب زر بت ہی نہیں غور سے دیکھو حق یوں ہے کہ اللہ بھی بے زر نہیں ملتا صورت نہیں ملتی تری صورت سے کسی کی گہنے سے کسی کے ترا زیور نہیں ملتا آرائشیں موقوف ہوئیں کس لئے اے جان گوہر نہیں ملتا ہے کہ زر گر نہیں ملتا ابرو کی محبت میں کسے زیست ہے منظور مر جاؤں گلا کاٹ کے خنجر نہیں ملتا رندان مے آشام نہیں جام کے پابند ہم اوک سے پیتے ہیں جو ساغر نہیں ملتا وحشت میں نکل جاؤں میں سرحد سے زمیں کی اس گنبد گرداں کا ولے در نہیں ملتا او برق تجلی ترے کشتے کی لحد پر کیا لوح بنے طور کا پتھر نہیں ملتا حاضر ہوں مجھے بستۂ فتراک فرس کر گر صید کوئی ترک ستم گر نہیں ملتا عاشق سے نہ کھینچ آپ کو اے بادشہ حسن درویش سے کیا جھک کے تونگر نہیں ملتا جو زخم کو سینے کے سیے ٹانکے جگر کو ایسا کوئی استاد رفوگر نہیں ملتا اے رندؔ لبالب ہو جو عرفان کی مے سے ساغر وہ بجز ساقیٔ کوثر نہیں ملتا
English rendering
Dil kis se lagaaun kahin dilbar nahin milta Kya zulm sahun koi sitamgar nahin milta Khat le ke gaya jo woh kabootar nahin milta Kya zikr kabootar ka hai ek par nahin milta Zulfon ki tarah umr basar ho gai apni Hum khana badoshon ko kahin ghar nahin milta Kya khaak madawa karein shoreeda sari ka Sar phodne ko dhoondhein to patthar nahin milta Gunjalak nahin mitti jo tabiyat mein padi hai Dil tujh se kisi taur se dilbar nahin milta Kya keejiye ta'areef bana gosh ki us ke Aawize ko jis kaan ke gauhar nahin milta Gum jab se hua huun main teri rah-e-talab mein Jab dhoondhta huun aap ko aksar nahin milta Kuchh talib-e-zar but hi nahin ghaur se dekho Haq yun hai ke Allah bhi be-zar nahin milta Soorat nahin milti teri soorat se kisi ki Gahne se kisi ke tera zewar nahin milta Aaraishain mauqoof hueen kis liye aye jaan Gauhar nahin milta hai ke zargar nahin milta Abroo ki mohabbat mein kise zeest hai manzoor Mar jaaun gala kaat ke khanjar nahin milta Rindaan-e-mai aasham nahin jaam ke paband Hum ook se peete hain jo saghar nahin milta Wahshat mein nikal jaaun main sarhad se zameen ki Is gumbad-e-gardaan ka walay dar nahin milta O barq-e-tajalli tere kushte ki lahad par Kya loh bane toor ka patthar nahin milta Hazir huun mujhe basta fatrak-e-faras kar Gar sayd koi turk-e-sitamgar nahin milta Aashiq se na kheench aap ko aye badshah-e-husn Darvesh se kya jhuk ke tawangar nahin milta Jo zakhm ko seene ke siye tanke jigar ko Aisa koi ustad-e-rafugar nahin milta Aye Rind laba lab ho jo irfan ki mai se Saghar woh ba juz saqi-e-kausar nahin milta