گلے لگائیں بلائیں لیں تم کو پیار کریں
گلے لگائیں بلائیں لیں تم کو پیار کریں جو بات مانو تو منت ہزار بار کریں یہ ہاتھ کیسے ہیں بیکار کچھ تو کار کریں بہار آئی گریبان تار تار کریں کہاں سے لائیں اب اس کو جو ہمکنار کریں تسلی کیا تری او جان بے قرار کریں وہ ربط تم سے بڑھائیں وہ تم کو یار کریں ہزار طرح کے جو جبر اختیار کریں گرائے سیل عناصر کی چار دیواری خراب خانۂ تن چشم اشکبار کریں تمہارے در سے نہ مایوس جائیں حاجت مند قبول ہووے جو توبہ گناہ گار کریں کفن بھی ہو گیا میلا دھرے دھرے اے موت تمام عمر ہوئی کب تک انتظار کریں برنگ غنچہ زباں ہے دہاں میں زیر زباں تمہارے قول کا کیا خاک اعتبار کریں گدا ترے در دولت کے ہیں یہ مستغنی جو سلطنت بھی ملے تو نہ اختیار کریں غرور حسن سے ہرگز سنے گا ایک نہ گل چمن میں نالے اگر بلبلیں ہزار کریں سنائے رکھتا ہوں سب کو مری وصیت ہے کہ تا اسی پہ عمل میرے غم گسار کریں چراغ زیست جب اس ننگ دودماں کا ہو گل عزیز شمع نہ روشن سر مزار کریں ترے سوا ہے کریم اور رحیم کس کی ذات نجات کس سے طلب ہم گناہ گار کریں بجائے سرمہ لگائیں غبار کوچۂ یار یہی علاج ترا چشم اشکبار کریں ستم شعار جفا پیشہ بے مروت ہے سراہیے جگر ان کے جو تجھ کو پیار کریں بڑھا کے لکھیں نہ شاعر حدیث زلف رسا ہوا ہے طول مناسب ہے اختصار کریں در کریم سے آتی ہے متصل یہ صدا وہ کیوں نہ پائے جسے ہم امیدوار کریں یہ بت اٹھائیں جو قرآں بھی کعبے میں اے رندؔ خدا سے ہم تو ہوں منکر جو اعتبار کریں
English rendering
Gale lagaayen balaayen lein tum ko pyar karein Jo baat maano to minnat hazaar baar karein Ye haath kaise hain bekar kuchh to kaar karein Bahar aai girebaan taar taar karein Kahan se laayen ab is ko jo hamkinar karein Tasalli kya teri o jaan-e-be-qarar karein Woh rabt tum se badhaayen woh tum ko yaar karein Hazaar tarah ke jo jabr ikhtiyar karein Giraaye sail-e-anasir ki chaar deewari Kharab-khana-e-tan chashm ashakbaar karein Tumhare dar se na mayus jaayen haajatmand Qabool hove jo tauba gunahgar karein Kafan bhi ho gaya maila dhare dhare aye maut Tamaam umr hui kab tak intezar karein Ba-rang-e-ghuncha zaban hai dahan mein zer-e-zaban Tumhare qaul ka kya khaak e'tibar karein Gada tere dar-e-daulat ke hain ye mustaghni Jo saltanat bhi mile to na ikhtiyar karein Ghurur-e-husn se hargiz sune ga ek na gul Chaman mein naale agar bulbulein hazaar karein Sunaaye rakhta huun sab ko meri wasiyat hai Ke taa isi pe amal mere ghamgusar karein Chiragh-e-zeest jab is nang-e-doodmaan ka ho gul Azeez shama' na roshan sar-e-mazar karein Tere siwa hai kareem aur raheem kis ki zaat Najaat kis se talab hum gunahgar karein Bajaaye surma lagaayen ghubaar-e-koocha-e-yaar Yehi ilaaj tera chashm-e-ashakbaar karein Sitam shi'aar jafa pesha be-murawwat hai Saraahiye jigar un ke jo tujh ko pyar karein Badha ke likhein na shaa'ir hadees-e-zulf-e-rasa Hua hai tool munasib hai ikhtisar karein Dar-e-kareem se aati hai muttasil ye sada Woh kyun na paaye jise hum ummeedwar karein Ye but uthaayen jo Qur'an bhi Ka'abe mein aye Rind Khuda se hum to hon munkir jo e'tibar karein