ہیں یہ سارے جیتے جی کے واسطے
ہیں یہ سارے جیتے جی کے واسطے کون مرتا ہے کسی کے واسطے آدمی سہتا ہے کیا کیا ذلتیں نفس مردود شقی کے واسطے ہم بھی جائیں گے سلیماں تک کبھی عرض کرنے اک پری کے واسطے در بدر کوچوں میں ہم بھی پھر چکے ایک حسن خانگی کے واسطے کشت زار زعفراں سے کم نہیں رنگ زرد اپنا ہنسی کے واسطے کیوں دیے ہیں تو نے قسام ازل رنج لاکھوں ایک جی کے واسطے دو زکات حسن کچھ درویش کو ہیں بڑے رتبے سخی کے واسطے اک سے اک ہیں ایک سے لے لاکھ تک صف شکن مرد جری کے واسطے غم نے اس درجہ کیا دل میں ہجوم جا نہیں ہے خرمی کے واسطے اور کیا ہو یار کی آنکھوں سے کام خلق ہیں جادوگری کے واسطے یاد رکھنا شرط اور مشروط ہے آدمیت آدمی کے واسطے رنج و اندوہ و ملال و درد و غم صدمے ہیں یہ آدمی کے واسطے سبزۂ مدفن اگا تھا کیوں فلک آہوؤں کی کیا چری کے واسطے لڑ گئے وہ اک ذرا سی بات میں پہروں روٹھے اک گھڑی کے واسطے جی نہ گھبرائے ترا بے مشغلے عشق کر لے دل لگی کے واسطے کیا مجھے پیدا کیا ہے اے خدا ان بتوں کی بندگی کے واسطے بے کسی میرے لیے پیدا ہوئی میں بنا ہوں بے کسی کے واسطے بولا مرغ نامہ بر کو کر کے ذبح یہ سزا ہے ایلچی کے واسطے دھگدگی میں جان اٹکی ہے مری ہائے کس چمپا کلی کے واسطے باریاب خلوت محبوب ہے کیا شرف ہے آرسی کے واسطے مرقد تیرہ میں کافی ہے مجھے داغ سودا روشنی کے واسطے کیجئے ہر دم عبث تن پروری اے اجل کس زندگی کے واسطے خامۂ قدرت نے کھینچیں وہ بھویں راستی یہ ہے کجی کے واسطے حشر کے دن رندؔ کو بخشائیو یا علی روح نبی کے واسطے
English rendering
Hain ye saare jeete ji ke waaste Kaun marta hai kisi ke waaste Aadmi sehta hai kya kya zillatain Nafs-e-mardood-e-shaqi ke waaste Hum bhi jaenge Sulaiman tak kabhi Arz karne ik pari ke waaste Dar badar kuchon mein hum bhi phir chuke Ek husn-e-khanagi ke waaste Kisht-e-zaar zafran se kam nahin Rang zard apna hansi ke waaste Kyun diye hain tu ne Qassam-e-azal Ranj laakhon ek ji ke waaste Do zakat-e-husn kuchh darvesh ko Hain bade rutbe sakhi ke waaste Ek se ek hain, ek se le lakh tak Saf shikan mard-e-jari ke waaste Gham ne is darja kiya dil mein hujoom Jaa nahin hai khurrami ke waaste Aur kya ho yaar ki aankhon se kaam Khalq hain jadugari ke waaste Yaad rakhna shart aur mashroot hai Aadamiyat aadmi ke waaste Ranj o andoh o malal o dard o gham Sadme hain ye aadmi ke waaste Sabza-e-madfan uga tha kyun falak Aahuon ki kya charri ke waaste Lad gaye woh ek zara si baat mein Pahron roothe ek ghadi ke waaste Ji na ghabrae tera be-mashghale Ishq kar le dil lagi ke waaste Kya mujhe paida kiya hai aye Khuda In buton ki bandagi ke waaste Be-kasi mere liye paida hui Main bana hoon be-kasi ke waaste Bola murgh-e-nama bar ko kar ke zibh Ye saza hai elchi ke waaste Dhagdhagi mein jaan atki hai meri Haaye kis champa kali ke waaste Bariyaab-e-khalwat-e-mahboob hai Kya sharaf hai aarsi ke waaste Marqad-e-teera mein kaafi hai mujhe Daagh-e-sauda roshni ke waaste Keejiye har dam abas tan parvari Aye ajal kis zindagi ke waaste Khama-e-qudrat ne kheenchi woh bhawen Raasti ye hai kaji ke waaste Hashr ke din Rind ko bakhshaio Ya Ali rooh-e-Nabi ke waaste