اک پری کا پھر مجھے شیدا کیا
اک پری کا پھر مجھے شیدا کیا عشق نے پھر مفسدہ برپا کیا آج پھر اس شوخ نے فقرا کیا وعدۂ امروز بھی فردا کیا خون ناحق اک مسلماں کا کیا کیا غضب او شوخ بے پروا کیا دل کو مائل شعلہ رویوں کا کیا دین زردشتی کو پھر احیا کیا ابر اکثر اس برس برسا کیا کیا تتبع دیدۂ تر کا کیا کیوں اجل کیا تجھ کو بھی موت آ گئی اس قدر آنے میں کیوں عرصہ کیا کان کی بجلی جو یاد آئی تری برق کے مانند میں تڑپا کیا وہ کف پائے حنائی کر کے یاد ہجر کی شب ایڑیاں رگڑا کیا اس کو بھی سکتہ ہوا دیکھ آئینہ دیر تک حیرت سے منہ دیکھا کیا خاک چھانی مدتوں تنکے چنے کیا کہوں اس عشق میں کیا کیا کیا کل نہ پاؤ گے ہمیں کہیو سفیر آج آنے میں اگر حیلہ کیا واں ہوئے مسی سے لب ان کے کبود پیٹ کر منہ ہم نے یاں نیلا کیا تب اٹھے ہیں ان بتوں کے ہم سے ناز جب کلیجا اپنا پتھر کا کیا ہے گرہ موئے کمر کی ناف یار فکر نے اپنے یہ عقدہ وا کیا لاگ پیدا کر کے اب جلاد سے جان کھوئی ہائے دل نے کیا کیا ڈنٹر پہ باندھا ہم نے جوشن کی طرح حرز جاں قاتل ترا چھلا کیا مجھ کو مجنوں کر دیا مانند قیس سحر کچھ اور غیرت لیلیٰ کیا معرکہ میں عشق کے سرکا نہ پاؤں آبرو کو جان کو صدقہ کیا سوز فرقت نے شرارت مجھ سے کی ہیزم تر کی طرح سلگا کیا اے شب فرقت نہ کر مجھ پر عذاب میں نے تیرا منہ نہیں کالا کیا زلف جاناں جس نے دیکھی ایک بار دل سے اپنے عمر بھر الجھا کیا اس مصیبت سے شب فرقت کٹی پاؤں پیٹے آہ کی نالہ کیا عشق افشان جبین یار میں خاک چھلنی کی طرح چھانا کیا تھا مناسب ترک عشق یار رندؔ آپ نے انسب کیا اولیٰ کیا
English rendering
Ik pari ka phir mujhe shaida kiya Ishq ne phir mafsada barpa kiya Aaj phir us shokh ne fuqra kiya Vaada-e-imroz bhi farda kiya Khoon-e-nahaq ik musalman ka kiya Kya ghazab o shokh-e-be-parva kiya Dil ko mail shola-ruyon ka kiya Deen-e-Zardashti ko phir ahya kiya Abr aksar is baras barsa kiya Kya tattabbu deeda-e-tar ka kiya Kyun ajal kya tujh ko bhi maut aa gayi Is qadar aane mein kyun arsa kiya Kan ki bijli jo yaad aayi teri Barq ke manind main tadpa kiya Woh kaf-e-pa-e-hinayi kar ke yaad Hijr ki shab ediyan ragda kiya Us ko bhi sakta hua dekh aayina Der tak hairat se munh dekha kiya Khaak chhanni muddatoin tinke chune Kya kahoon is ishq mein kya kya kiya Kal na paoge hamein kahiyo Safeer Aaj aane mein agar heela kiya Wan hue missi se lab un ke kabood Peet kar munh hum ne yahan neela kiya Tab uthe hain in buton ke hum se naaz Jab kaleja apna patthar ka kiya Hai girah-e-mo-e-kamar ki naaf-e-yaar Fikr ne apne ye uqda wa kiya Laag paida kar ke ab jallad se Jaan khoi haaye dil ne kya kya Dantar pe bandha hum ne jaushan ki tarah Hirz-e-jaan qatil tera chhala kiya Mujh ko majnoon kar diya manind-e-Qais Sihr kuchh aur ghairat-e-Laila kiya Maarka mein ishq ke sarka na paun Aabroo ko jaan ko sadqa kiya Soz-e-furqat ne shararat mujh se ki Haizam-e-tar ki tarah sulga kiya Aye shab-e-furqat na kar mujh par azaab Main ne tera munh nahin kala kiya Zulf-e-jaanan jis ne dekhi ek baar Dil se apne umr bhar uljha kiya Is musibat se shab-e-furqat kati Paon peete aah ki naala kiya Ishq-e-afshan jabeen-e-yaar mein Khaak chhalni ki tarah chhāna kiya Tha munasib tark-e-ishq-e-yaar Rind Aap ne ansab kiya aula kiya