جلن دل کی لکھیں جو ہم دل جلے
جلن دل کی لکھیں جو ہم دل جلے زبان قلم میں پڑیں آبلے رہ صعب الفت میں گھبرا نہ دل بہت ایسے پیش آئیں گے مرحلے نہ دن وہ تمہارے نہ اپنا وہ سن تمہارے ہمارے وہ دن سن ڈھلے عدم کی بھی کیا راہ ہے بے نظیر چلے جاتے ہیں پیش و پس قافلے وہ اب نیمچا کر چکے ہیں الم اجل آ چکی سر پہ کیوں کر ٹلے ٹھہر جا کوئی دم کے مہمان ہیں خبر لے ہماری چلے ہم چلے لکیریں بھی مٹ مٹ گئیں ہاتھ کی زبس ہم نے دست تأسف ملے رہے دل کے ارمان سب دل میں حیف نکلنے نہ پاے مرے حوصلے بڑا ہو بڑھاپے کا سب کھو دیا نہ میری جوانی نہ وہ ولولے گڑا کوئی لے کر دل مضطرب مزاروں میں آنے لگے زلزلے سیہ کاریوں میں کٹی عمر سب قلم کی طرح سر کے بل گو چلے محبت بتوں کی یہ دل چھوڑ دے کسی طرح چھاتی سے پتھر ٹلے شکایت کا موقع نہ تھا وصل میں کہ تھی راہ تھوڑی بہت تھے گلے کوئی دم میں ہے نقش ہستی فنا کدھر دھیان ہے تیرا او باؤلے کنار لحد میں پڑے ہیں وہ آج جو آغوش مادر میں تھے کل پلے گلا تیغ قاتل سے رگڑا کیا نہ جھچکا ذرا واہ رے منچلے نہ لایا کوئی شمع و گل گور پر لحد میں بھی داغ محبت جلے چلے باغ ہستی سے ہم نامراد کسی رت میں اے گل نہ پھولے پھلے ازل سے ہیں عشاق مذبوح حسن جو مانند ماہی کٹے ہیں گلے جو فریادی تیرے بھی آ نکلے واں زمیں ہوگی محشر کی اوپر تلے جو ابرو کے ہوں گے اشارے یوں ہی مری جان لاکھوں کٹیں گے گلے کئے جائے کاوش پلک یار کی ابھی دل کے پھوٹے نہیں آبلے سرا میں نہ غافل ہو باندھو کمر چلو ساتھ والو چلو ہم چلے رہے میرا جسم مثالی سہی بلا سے یہ پتلا سڑے یا گلے یہ سب سر زمیں فتنہ انگیز ہے ہزاروں ہی اٹھتے ہیں یاں غلغلے نظر بھر کے پھر دیکھ لوں شکل یار جو آئی ہوئی میری دم بھر ٹلے ہمیشہ رہا داغ داغ اپنا جسم سدا مثل سرو چراغاں جلے فلک کو ملانا تھا گر خاک میں تو پھر ناز و نعمت سے کیوں ہم پلے رہے بار ور شاخ نخل مراد الٰہی ہمیشہ تو پھولے پھلے زمانے پہ افسردگی چھا گئی نہ ہیں اب وہ چرچے نہ وہ مشغلے مسافر ہوں دلواؤں گا نذر خضر جو طے ہوں گے رستے کے سب مرحلے لہو شب سے آتا ہے اشکوں کے ساتھ کلیجے کے ناسور شاید چھلے بسر ہو گئی اس تمنا میں عمر کوئی دوست یک رنگ مجھ کو ملے یہ کیا روگ اب ہو گیا رندؔ کو کئی سال ادھر تک تھے چنگے بھلے
English rendering
Jalan dil ki likhein jo hum dil jale Zaban-e-qalam mein padein aable Rah-e-sa'ab-ul-ulfat mein ghabra na dil Bahut aise pesh aayenge marhale Na din woh tumhare na apna woh sun Tumhare hamare woh din sun dhale Adam ki bhi kya rah hai be-nazeer Chale jaate hain pesh-o-pas qafile Woh ab neemcha kar chuke hain alam Ajal aa chuki sar pe kyun kar tale Thahar ja koi dam ke mehman hain Khabar le hamari chale hum chale Lakeerein bhi mit mit gaeen haath ki Zabas hum ne dast-e-ta'assuf mile Rahe dil ke armaan sab dil mein haif Nikalne na paye mere hausle Bada ho budhape ka sab kho diya Na meri jawani na woh walwale Gada koi le kar dil muztarib Mazaron mein aane lage zalzale Siyah kaariyon mein kati umr sab Qalam ki tarah sar ke bal go chale Mohabbat buton ki ye dil chhod de Kisi tarah chhaati se patthar tale Shikayat ka mauqa na tha wasl mein Ke thi rah thodi bahut the gale Koi dam mein hai naqsh-e-hasti fana Kidhar dhyan hai tera o baawle Kinar-e-lahad mein pade hain woh aaj Jo aaghosh-e-maadar mein the kal pale Gala tegh-e-qatil se ragda kiya Na jhachka zara wah re manchale Na laya koi shama' o gul gor par Lahad mein bhi dagh-e-mohabbat jale Chale bagh-e-hasti se hum namuraad Kisi rut mein aye gul na phoole phale Azal se hain ushshaq mazbooh-e-husn Jo manind-e-mahi kate hain gale Jo faryadi tere bhi aa nikle waan Zameen hogi mahshar ki upar tale Jo abroo ke honge ishaare yunhi Meri jaan lakhon katein ge gale Ki'e jaaye kawish palak yaar ki Abhi dil ke phoote nahin aable Sara mein na ghafil ho baandho kamar Chalo saath walo chalo hum chale Rahe mera jism-e-misali sahi Bala se ye putla sade ya gale Ye sab sar zameen fitna angez hai Hazaron hi uthte hain yaan ghalghale Nazar bhar ke phir dekh loon shakal-e-yar Jo aai hui meri dam bhar tale Hamesha raha dagh dagh apna jism Sada misl-e-sarv charaghan jale Falak ko milana tha gar khaak mein To phir naaz-o-nemat se kyun hum pale Rahe bar war shakh-e-nakhl-e-murad Ilahi hamesha tu phoole phale Zamaane pe afsurdagi chha gai Na hain ab woh charche na woh mashghale Musafir huun dilwaunga nazr-e-khizr Jo tay honge raste ke sab marhale Lahu shab se aata hai ashkon ke saath Kaleje ke naasoor shayad chhale Basar ho gai is tamanna mein umr Koi dost yak rang mujh ko mile Ye kya rog ab ho gaya Rind ko Kai saal idhar tak the change bhale