خاموش داب عشق کو بلبل لیے ہوئے
خاموش داب عشق کو بلبل لیے ہوئے گل مست ہے چمن میں پیالہ پیے ہوئے امسال فصل گل میں وہ پھر چاک ہو گئے اگلے برس کے تھے جو گریباں سیے ہوئے ہم بھی ہوا میں اک گل نوخیز حسن کے برسوں پھرے ہیں چاک گریباں کیے ہوئے دوکانیں مے فروشوں کی کب سے پڑی ہیں بند رہ رہ گئے ہیں قفل دیے کے دیے ہوئے عشق صنم ہے اس میں ہیں خودداریاں ضرور اے دل خدا کے واسطے خود کو لیے ہوئے مرشد ہے عشق ہم ہیں مرید اس جناب کے برسوں گزر گئے ہیں پیالہ پیے ہوئے وہ آ کے مسکرائے اس انداز و ناز سے کھل کھل گئے جو زخم جگر تھے سیے ہوئے روز ازل سے دخل وجود و عدم میں ہے دونوں علاقے ہیں یہ ہمارے لیے ہوئے ہیں بت پرست دیر میں حاجی ہیں کعبہ میں طالب رضائے دوست کے دھرنے دیے ہوئے میدان امتحاں میں ہمیں بھیج دیجیے کہیے انہیں یہ کام ہیں جن کے کیے ہوئے نامرد اپنے وادی میں رکھے گا کیا قدم سر ہو مہم عشق نہ بے سر دیے ہوئے کس کس طرح کا بھیس بدل کر پہنچتے ہیں عاشق ہوئے نہ آپ کے بہروپئے ہوئے حاصل ہوا بتوں سے نہ عاشق کو مدعا روشن کبھی نہ دیر میں گھی کے دیے ہوئے تعویذ و نقش کچھ نہیں کرتے اثر وہاں سارے یہ کھٹکھٹے ہیں ہمارے کئے ہوئے اک شب ہوئی نصیب سلیماں نہ جو پری ہم روز سوئے اس کو بغل میں لیے ہوئے آنکھوں میں پھرتی ہیں جو وہ آنکھیں نشیلیاں دو بوتلوں کی مستی ہے بے مے پیے ہوئے باندھا جو چست چست مضامین نو کے ساتھ بندش سے میری تنگ بہت قافیے ہوئے عاشق مزاج روتے ہیں پڑھ پڑھ کے بیشتر اشعار رندؔ کے نہ ہوئے مرثیے ہوئے
English rendering
Khamosh daab-e-ishq ko bulbul liye hue Gul mast hai chaman mein pyala piye hue Im-saal fasl-e-gul mein woh phir chaak ho gaye Agle baras ke thhe jo gareban siye hue Hum bhi hawa mein ik gul-e-nau-khez-e-husn ke Barson phire hain chaak gareban kiye hue Dukaanen mai-faroshon ki kab se padi hain band Rah rah gaye hain qufl diye ke diye hue Ishq-e-sanam hai is mein hain khud-darian zaroor Aye dil Khuda ke waaste khud ko liye hue Murshid hai ishq hum hain mureed us janab ke Barson guzar gaye hain pyala piye hue Woh aa ke muskuraye is andaaz o naaz se Khul khul gaye jo zakhm-e-jigar thhe siye hue Roz-e-azal se dakhl-e-wajood o adam mein hai Dono ilaqe hain ye hamare liye hue Hain but-parast dair mein Haji hain Kaaba mein Talib-e-raza-e-dost ke dharne diye hue Maidan-e-imtehaan mein hamein bhej deejiye Kahiye inhein ye kaam hain jin ke kiye hue Na-mard apne wadi mein rakhega kya qadam Sar ho muhim-e-ishq na be-sar diye hue Kis kis tarah ka bhes badal kar pahunchte hain Aashiq hue na aap ke behroopiye hue Hasil hua buton se na aashiq ko muddaa Roshan kabhi na dair mein ghee ke diye hue Ta'weez o naqsh kuchh nahin karte asar wahan Saare ye khat-khate hain hamare kiye hue Ek shab hui naseeb Sulaiman na jo pari Hum roz soye us ko baghal mein liye hue Aankhon mein phirti hain jo woh aankhen nasheeliyan Do botlon ki masti hai be-may piye hue Bandha jo chust chust mazameen-e-nau ke saath Bandish se meri tang bahut qaafiye hue Aashiq mizaj rote hain padh padh ke beshtar Ash'ar-e-Rind ke na hue marsiye hue