کھلی ہے کنج قفس میں مری زباں صیاد
کھلی ہے کنج قفس میں مری زباں صیاد میں ماجرائے چمن کیا کروں بیاں صیاد دکھائے گا نہ اگر سیر بوستاں صیاد پھڑک پھڑک کے قفس ہی میں دوں گا جاں صیاد جہاں گیا میں گیا لے کے دام واں صیاد پھرا تلاش میں میری کہاں کہاں صیاد دکھایا کنج قفس مجھ کو آب و دانہ نے وگرنہ دام کہاں میں کہاں کہاں صیاد اجاڑا موسم گل ہی میں آشیاں میرا الٰہی ٹوٹ پڑے تجھ پہ آسماں صیاد میں کھینچوں دام میں بلبل تو آشیانہ جلا بہم یہ مشورہ کرتے ہیں باغباں صیاد عجیب قصہ ہے دلچسپ اک حکایت ہے سناؤں گا گل و بلبل کی داستاں صیاد نہ گل کھلیں گے نہ چہکارے گا کوئی بلبل بہار باغ کو ہونے تو دے خزاں صیاد ہمائے زندہ گھسیٹے گا دام میں شاید بجاۓ دانہ بچھاتا ہے استخواں صیاد خبر نہیں کسے کہتے ہیں گل چمن کیسا قفس کو جانتے ہیں ہم تو آشیاں صیاد اداس دیکھ کے مجھ کو چمن دکھاتا ہے کئی برس میں ہوا ہے مزاج داں صیاد رہے نہ قابل پرواز بال و پر میرے قفس سے اڑ کے میں اب جاوں گا کہاں صیاد قفس کو شام سے لٹکا کے فرش خواب کے پاس سنا کیا مری تا صبح داستاں صیاد کرے گا یاد مرے زمزموں کو بعد مرے ہوں چند روز تیرے گھر میں میہماں صیاد سناؤں واقعہ اپنا تجھے تمام و کمال جو گوش دل سے سنے میری داستاں صیاد ستم زیادہ نہ کر حکم دے رہائی کا پکارتے ہیں گرفتار الاماں صیاد چمن میں رکھا نہ بلبل کا نام تک باقی خدا کرے یوں ہی ہو جائے بے نشاں صیاد ہزار مرغ خوش الحاں چہکتے ہیں ہرسو بہ از چمن ہوا اب تو ترا مکان صیاد میں جھانکتا نہیں چاک قفس سے بھی گل کو نہوی تا مری جانب سے بد گماں صیاد اسیر کنج قفس کر بہ شوق دام میں کھینچ قضا لے آئی ہے مجھ کو کشاں کشاں صیاد پروں کو کھول دے ظالم جو بند کرتا ہے قفس کو لے کے میں اڑ جاؤں گا کہاں صیاد نہ ہوں گا بند قفس میں بھی میں وہ بلبل ہوں ہزار تجھ کو سناؤں گا داستاں صیاد در قفس بھی کھلے گا تو اب نہ جاؤں گا یقین نہ ہووے تو کر میرا امتحاں صیاد رہا بھی ہو کے نہ بھولوں گا حق خدمت کو ادائے شکر کروں گا میں ہر زباں صیاد چمن میں بلبل و قمری کا پر نہ چھوڑے گا رہا جب آٹھ پہر گھات میں نہاں صیاد قفس پہ رکھنے لگا اب تو ہار پھولوں کے ہزار شکر ہوا مجھ پہ مہرباں صیاد عزیز رکھتا ہے کرتا ہے خاطریں میری ملا ہے خوبیٔ قسمت سے قدرداں صیاد نکالیو نہ قدم آشیاں سے او بلبل لگائے بیٹھے ہیں پھندے جہاں تہاں صیاد وہ عندلیب ہوں جل کر کروں جو نالۂ گرم قفس کے چاکوں سے اٹھنے لگے دھواں صیاد مرے بیان کو سن سن کے کانپ کانپ اٹھا غضب یہ ہے کہ سمجھتا نہیں زباں صیاد الٰہی دیکھیے کیونکر نباہ ہوتا ہے زباں دراز ہوں میں اور بد زباں صیاد سوائے شکر شکایت اگر کبھی کی ہو الٰہی قطع ہو منقار سے زباں صیاد فریب دانہ نہ کھاتا میں زینہار اے رندؔ نہ کرتا دام اگر خاک میں نہاں صیاد
English rendering
Khuli hai kunj-e-qafas mein meri zaban sayaad Main majra-e-chaman kya karoon bayan sayaad Dikhaaye ga na agar sair-e-bustaan sayaad Phadak phadak ke qafas hi mein doon ga jaan sayaad Jahan gaya main gaya le ke daam waan sayaad Phira talash mein meri kahan kahan sayaad Dikhaaya kunj-e-qafas mujh ko aab o daane ne Wagarna daam kahan main kahan kahan sayaad Ujada mausam-e-gul hi mein aashiyan mera Ilahi toot pade tujh pe aasman sayaad Main kheenchoon daam mein bulbul to aashiyan jala Baham ye mashwara karte hain baaghban sayaad Ajeeb qissa hai dilchasp ek hikayat hai Sunaunga gul o bulbul ki dastaan sayaad Na gul khilen ge na chehkaaye ga koi bulbul Bahar-e-bagh ko hone to de khizan sayaad Humaye zinda ghaseete ga daam mein shayad Bajaaye dana bichhata hai ustukhwan sayaad Khabar nahin kise kehte hain gul chaman kaisa Qafas ko jaante hain hum to aashiyan sayaad Udaas dekh ke mujh ko chaman dikhata hai Kai baras mein hua hai mizaj daan sayaad Rahe na qabil-e-parwaz baal o par mere Qafas se ud ke main ab jaaunga kahan sayaad Qafas ko sham se latka ke farsh-e-khwab ke paas Suna kya meri ta subh dastaan sayaad Kare ga yaad mere zamzamon ko ba'ad mere Hoon chand roz tere ghar mein mehman sayaad Sunaaun waqia apna tujhe tamaam o kamaal Jo gosh-e-dil se sune meri dastaan sayaad Sitam ziyada na kar hukm de rihai ka Pukarte hain giraftar al-amaan sayaad Chaman mein bulbul o qumri ka par na chhodega Raha jab aath pehar ghaat mein nihan sayaad Hazaar murgh-e-khush-alhan chehakte hain har soo Ba iz chaman hua ab to tera makan sayaad Main jhaankta nahin chaak-e-qafas se bhi gul ko Na hoi ta meri jaanib se bad gumaan sayaad Aseer-e-kunj-e-qafas kar ba shauq daam mein kheench Qaza le aai hai mujh ko kashaan kashaan sayaad Paron ko khol de zaalim jo band karta hai Qafas ko le ke main ud jaaun ga kahan sayaad Na hoonga band-e-qafas mein bhi main woh bulbul huun Hazaar tujh ko sunaunga dastaan sayaad Dar-e-qafas bhi khule ga to ab na jaaunga Yaqeen na hove to kar mera imtehan sayaad Raha bhi ho ke na bhoolunga haq-e-khidmat ko Ada-e-shukr karunga main har zaban sayaad Chaman mein bulbul o qumri ka par na chhodega Raha jab aath pehar ghaat mein nihan sayaad Qafas pe rakhne laga ab to haar phoolon ke Hazaar shukr hua mujh pe mehrban sayaad Azeez rakhta hai karta hai khaatirain meri Mila hai khoobi-e-qismat se qadardaan sayaad Nikaaliyo na qadam aashiyan se o bulbul Lagaaye baithe hain phande jahan tahan sayaad Woh andaleeb huun jal kar karoon jo nala-e-garm Qafas ke chaakon se uthne lage dhuan sayaad Mere bayan ko sun sun ke kaanp kaanp utha Ghazab ye hai ke samajhta nahin zaban sayaad Ilahi dekhiye kyun kar nibah hota hai Zaban daraz huun main aur bad zaban sayaad Sawaaye shukr shikayat agar kabhi ki ho Ilahi qat'a ho minqar se zaban sayaad Fareb-e-dana na khata main zinhaar aye Rind Na karta daam agar khaak mein nihan sayaad