کیوں کر نہ لائے رنگ گلستاں نئے نئے
کیوں کر نہ لائے رنگ گلستاں نئے نئے گاتے ہیں راگ مرغ خوش الحاں نئے نئے شاعر نئے نئے ہیں سخنداں نئے نئے پیدا ہوئے ہیں اب تو غزل خواں نئے نئے دلبر متاع دل کے ہیں خواہاں نئے نئے کرتا ہے حسن عشق کے ساماں نئے نئے آسیب عشق سر سے اترتا نہیں مرے لکھتا ہے نقش روز پری خواں نئے نئے بہکا کے تم کو کوئی لگا لے نہ راہ پر نکلے ہو آج گھر سے مری جاں نئے نئے زوروں پہ ہیں جنوں کی بدولت ہمارے ہاتھ ہوتے ہیں تار تار گریباں نئے نئے ہر روز ایک وادیٔ نو سیرگاہ ہے وحشت دکھا رہی ہے بیاباں نئے نئے کس درجہ تنگ ہوں ترے ہاتھوں سے اے جنوں لاؤں کہاں سے روز گریباں نئے نئے غم کا گزر ہے گاہ گہے خرمی کا دخل آتے ہیں روز گھر مرے مہماں نئے نئے صورت سے اک پری کی ہمیں عشق تازہ ہے دیوانے ہم ہوئے ہیں سلیماں نئے نئے ہر مرتبہ زمانے کو ہوتا ہے انقلاب لاتی ہے سوانگ گردش دوراں نئے نئے ملک عدم ہے یا کوئی ننگوں کا شہر ہے ہر روز واں سے آتے ہیں عریاں نئے نئے اک تازہ گل کا سامنا ہوتا ہے ہر برس دیتا ہے داغ دل پہ گلستاں نئے نئے پابند اک مقام کے ہوتے نہیں ہیں مرد شیروں کے واسطے ہیں نیستاں نئے نئے اس زلف کے خیال میں آنکھیں تو بند کر دکھلائی دیں گے خواب پریشاں نئے نئے کس کس طرح سے چہرے پہ لہرا کے آتی ہے کرتی ہے ناز زلف پریشاں نئے نئے آٹھوں پہر ہے اب تو تباہی کا سامنا اٹھتے ہیں روز اشک کے طوفاں نئے نئے روئے گا کہنہ سالی میں عہد شباب کو جب ٹوٹ کر نہ نکلیں گے دنداں نئے نئے پھرتا نہیں وہ دست نگاریں کسی طرح کرتا ہے زور پنجۂ مرجاں نئے نئے کر سیر چشم غور سے جو ذوق شعر ہے مضموں دکھائے گا مرا دیواں نئے نئے ہنس ہنس کے بار بار نہ کیوں کر دکھائیں آپ نام خدا نکالے ہیں دنداں نئے نئے
English rendering
Kyo'n kar na laaye rang gulistaan naye naye Gaate hain raag murgh-e-khush-ilhaa'n naye naye Shaair naye naye hain, sukhandaa'n naye naye Paida hue hain ab to ghazal-khwaa'n naye naye Dilbar mata-e-dil ke hain khwahaa'n naye naye Karta hai husn ishq ke samaa'n naye naye Aaseb-e-ishq sar se utarta nahin mere Likhta hai naqsh-e-roz pari-khwahaa'n naye naye Behka ke tum ko koi laga le na raah par Nikle ho aaj ghar se meri jaan naye naye Zoro'n pe hain junoo'n ki badolat hamare haath Hote hain taar taar gareebaa'n naye naye Har roz ek wadi-e-nau sair-gah hai Wahshat dikha rahi hai biyabaa'n naye naye Kis darja tang hoon tere haatho'n se aye junoo'n Laau'n kaha'n se roz gareebaa'n naye naye Gham ka guzar hai gaah-gahe khurrami ka dakhl Aate hain roz ghar mere mehmaa'n naye naye Soorat se ek pari ki hamein ishq taza hai Deewane hum hue hain Suleima'n naye naye Har martaba zamane ko hota hai inqilab Lati hai swaang gardish-e-dauraa'n naye naye Mulk-e-adam hai ya koi nango'n ka shehr hai Har roz waa'n se aate hain uryaa'n naye naye Ik taza gul ka samna hota hai har baras Deta hai dagh-e-dil pe gulistaan naye naye Pabande ek maqam ke hote nahin hain mard Shero'n ke waaste hain neista'n naye naye Us zulf ke khayal mein aankhe'n to band kar Dikhlayi denge khwab-e-pareeshaa'n naye naye Kis kis tarah se chehre pe lehra ke aati hai Karti hai naaz zulf-e-pareeshaa'n naye naye Aathoo'n pehar hai ab to tabahi ka samna Uthte hain roz ashk ke toofaa'n naye naye Royega kohna-sali mein ahd-e-shabab ko Jab toot kar na nikle'n ge dandaa'n naye naye Phirta nahin woh dast-e-nigaree'n kisi tarah Karta hai zor-e-panja-e-murjaa'n naye naye Kar sair-e-chashm-e-ghaur se jo zauq-e-sher hai Mazmoo'n dikhayega mera deewaa'n naye naye Hans hans ke baar baar na kyo'n kar dikhayein aap Naam-e-Khuda nikale hain dandaa'n naye naye