مجھ بلانوش کو تلچھٹ بھی ہے کافی ساقی
مجھ بلانوش کو تلچھٹ بھی ہے کافی ساقی بھر دے چلو میں جو ہو شیشے میں باقی ساقی بھر کے پلواتا نہیں ایک پیالی ساقی ساری میں مانگتا ہوں دیتا ہے آدھی ساقی تو نے کیا آتش حل کردہ پلا دی ساقی بھون ڈالا ہے جگر آگ لگا دی ساقی پھول مانگوں تو پلاتا ہے برانڈی ساقی کرتا ہے بزم گزشتہ کی تلافی ساقی جام جم چاہئے رندوں کو نہ شاہی ساقی سلطنت ہے ترے کوچے کی گدائی ساقی جام اوروں کو دیے مجھ کو پیالی ساقی خود بہکنے لگا مانند شرابی ساقی کیا کروں پی کے بھلا ایک پیالی ساقی اس تنک ظرفی کا بندہ نہیں عادی ساقی کب سے کہتا ہوں بلانوش میں ساقی ساقی اور پلوا دے جو ہو شیشہ میں باقی ساقی مرض ہجر میں مے گرچہ مضر ہے لیکن میں تو پی جاتا ہوں اللہ ہے ساقی ساقی صبح سے شام تلک ہاتھ سے چھٹتا نہیں جام چاہئے اپنا تخلص کرے جامی ساقی مصلحت ہوگی جو محروم رکھا مے سے مجھے فعل حکمت سے نہیں ہے ترا خالی ساقی مست کیا جانیں کدھر دیر ہے کعبہ ہے کہاں عمر ساری تری بھٹی میں گزاری ساقی مسجد و دیر و کلیسا کی وہ رونق نہ رہی تو نے بنیاد جو مے خانے کی ڈالی ساقی دیکھیے صحبت نا جنس نبھے گی کیوں کر پست ہمت تو طبیعت مری عالی ساقی فصل گل آ چکی کیا دور سے دہکاتا ہے مئے گل رنگ سے بھر بھر کے گلابی ساقی واعظو ووہی کروں گا میں جو فتویٰ دے گا قبلہ و کعبہ و مرشد مرا ہادی ساقی شیشہ و جام و سبو ہوں گے ابھی چکناچور مست بہکے تو بڑی ہوگی خرابی ساقی کوئی آفت ترے مے خانے پہ آ سکتی ہے سب دعا گو ہیں یہ جتنے ہیں شرابی ساقی صرف للٰلہ بھی مے خانے میں جاری کر دے مقتضی ہو جو تری ہمت عالی ساقی تنگ ہو کر ترے ہر بار کے دہکانے سے کوس بیٹھے نہ کوئی رند شرابی ساقی جو پیے گا نہ شراب آج وہ مجرم ہوگا کو بہ کو کل سے تو کر دے یہ منادی ساقی درد بھی مجھ کو پلا دے گا تو بد مستی میں سب سنا دوں گا میں دیوان زلالی ساقی برف پلوا کے کلیجہ مرا ٹھنڈا کر دے آب انگور نے تو آگ لگا دی ساقی تیرا جی چاہے تو پلوا دے کوئی جام شراب ہاتھ پھیلانے کا بندہ نہیں عادی ساقی نفس گرم کی تاثیر نے مے ساغر سے شعلۂ لفظ کے مانند اڑا دی ساقی اور تو حسرتیں سب رندؔ کے دل سے نکلیں جام کوثر کی تمنا رہی باقی ساقی
English rendering
Mujh balanosh ko talchhat bhi hai kaafi Saqi Bhar de chalo mein jo ho sheeshe mein baaqi Saqi Bhar ke pilwata nahin ek piyali Saqi Saari mai maangta huun deta hai aadhi Saqi Tu ne kya aatish hal karda pila di Saqi Bhoon dala hai jigar aag laga di Saqi Phool maanguun to pilata hai brandy Saqi Karta hai bazm-e-guzashta ki talafi Saqi Jaam-e-Jam chahiye rindon ko na shahi Saqi Saltanat hai tere kooche ki gadai Saqi Jaam auron ko diye mujh ko piyali Saqi Khud behakne laga manind-e-sharabi Saqi Kya karuun pi ke bhala ek piyali Saqi Is tunak-zarfi ka banda nahin aadi Saqi Kab se kehta huun balanosh main Saqi Saqi Aur pilwa de jo ho sheesha mein baaqi Saqi Marz-e-hijr mein mai garche muzir hai lekin Main to pi jaata huun Allah hai Saqi Saqi Subh se sham talak haath se chhut'ta nahin jaam Chahiye apna takhallus kare Jaami Saqi Maslehat hogi jo mahroom rakha mai se mujhe Fa'al-e-hikmat se nahin hai tera khaali Saqi Mast kya jaanen kidhar dair hai Kaaba hai kahan Umr saari teri bhatti mein guzari Saqi Masjid o dair o kaleesa ki woh raunaq na rahi Tu ne buniyad jo mai-khane ki daali Saqi Dekhiye sohbat-e-na-jins nibhe gi kyun kar Past himmat to tabiyat meri aali Saqi Fasl-e-gul aa chuki kya door se dehkata hai Mai-e-gul-rang se bhar bhar ke gulabi Saqi Wa'izo woh hi karunga main jo fatwa de ga Qibla o Kaaba o murshid mera hadi Saqi Sheesha o jaam o suboo honge abhi chakna choor Mast behke to badi hogi kharabi Saqi Koi aafat tere mai-khane pe aa sakti hai Sab dua go hain ye jitne hain sharabi Saqi Sarfe lillah bhi mai-khane mein jaari kar de Muqtazi ho jo teri himmat-e-aali Saqi Tang ho kar tere har baar ke dehkane se Koos baithe na koi rind-e-sharabi Saqi Jo piye ga na sharab aaj woh mujrim hoga Ku ba ku kal se tu kar de ye munadi Saqi Dard bhi mujh ko pila de ga tu badmasti mein Sab suna dunga main deevan-e-zalali Saqi Barf pilwa ke kaleja mera thanda kar de Aab-e-angoor ne to aag laga di Saqi Tera ji chahe to pilwa de koi jaam-e-sharab Haath phailane ka banda nahin aadi Saqi Nafs-e-garm ki ta'aseer ne mai saghar se Sho'la-e-lafz ke manind uda di Saqi Aur to hasratein sab Rind ke dil se nikleen Jaam-e-kausar ki tamanna rahi baaqi Saqi