منہ نہ ڈھانکو اب تو صورت دیکھ لی
منہ نہ ڈھانکو اب تو صورت دیکھ لی دیکھ لی اے حور طلعت دیکھ لی شکل بدلی اور صورت ہو گئی اک نظر جس نے وہ صورت دیکھ لی ایک بت سجدہ نہیں کرتا تجھے بس خدایا تیری قدرت دیکھ لی ہے عیاں حال سگ اصحاب کہف جانور کی آدمیت دیکھ لی چار دن بھی تو نہ تم سے نبھ سکی آپ کی صاحب سلامت دیکھ لی جانتے تھے ہم نہ ایذا ہجر کی وہ بھی صاحب کی بدولت دیکھ لی گھورتے ہیں اب نگاہ قہر سے چار دن چشم عنایت دیکھ لی کیوں اجل اب زہر پسواتا ہوں میں راہ تیری ایک مدت دیکھ لی کھل گئی بندے پہ قدر و منزلت تھی جو صاحب کی حقیقت دیکھ لی جا کے گھر جھوٹوں نہ پوچھی بات تک بس تری جھوٹی محبت دیکھ لی اس سے کہہ عادت سے جو واقف نہ ہو دیکھ لی خو تیری خصلت دیکھ لی بحر ہستی میں فقط مثل حباب ہے مجھے اک دم کی مہلت دیکھ لی آپ حیراں ہوگا اپنے حسن کا آئینے میں گر وہ صورت دیکھ لی چاندنی راتوں میں چلاتا پھرا چاند سی جس نے وہ صورت دیکھ لی پھر وہی ہے بوریا اور اپنا فقر چار دن کی جاہ و حشمت دیکھ لی کیوں چراتا ہے وہ کافر مجھ سے آنکھ کیا نگاہ چشم حسرت دیکھ لی یاد آیا رندؔ وہ پیماں شکن گر کہیں باہم محبت دیکھ لی
English rendering
Munh na dhaanko ab to soorat dekh li Dekh li aye hoor-tala'at dekh li Shakal badli aur soorat ho gai Ek nazar jis ne woh soorat dekh li Ek but sajda nahin karta tujhe Bas Khudaya teri qudrat dekh li Hai ayaan haal-e-sag-e-ashab-e-kahf Jaanwar ki aadamiyat dekh li Char din bhi to na tum se nibh saki Aap ki sahib-salamat dekh li Jante the hum na eeza-e-hijr ki Woh bhi sahib ki badolat dekh li Ghoorte hain ab nigah-e-qehr se Char din chashm-e-inayat dekh li Kyun ajal ab zehr paswata huun main Rah teri ek muddat dekh li Khul gai bande pe qadr o manzilat Thi jo sahib ki haqeeqat dekh li Ja ke ghar jhooton na poochhi baat tak Bas teri jhooti mohabbat dekh li Us se kahe aadat se jo waqif na ho Dekh li kho teri khislat dekh li Bahr-e-hasti mein faqat misl-e-habab Hai mujhe ek dam ki mohlat dekh li Aap hairan hoga apne husn ka Aainay mein gar woh soorat dekh li Chandni raaton mein chalata phira Chand si jis ne woh soorat dekh li Phir wohi hai boriya aur apna faqr Char din ki jah-o-hashmat dekh li Kyun churata hai woh kafir mujh se aankh Kya nigah-e-chashm-e-hasrat dekh li Yaad aaya Rind woh paimaan shikan Gar kahin baham mohabbat dekh li